నోరూరించే గోంగూర చికెన్ బిర్యాని

Non Veg

oi-Saraswathi N

By Sindhu

Published: Wednesday, February 10, 2010, 17:52 [IST]

కావలసిన పదార్ధాలు:
బియ్యం: 2 kg
గోంగూర: రెండు కట్టలు
పెరుగు: 4 cup
పచ్చిమిర్చి: 6
డాల్డా: 250 grms
దాల్చిన చెక్క: 50 grms
చికెన్: 1 kg
అల్లంవెల్లుల్లి పేస్ట్: 3 tbsp
మిర్చిపౌడర్: 3 tbsp
పుదీనా: 2 కట్టలు
ఉల్లిముక్కలు: 10
ఉప్పు: రుచికి సరిపడ
లవంగాలు: 4
సాజీరా: 2 tsp
యాలకులు: 4

తయారుచేయు విధానం:
1. బియ్యం కడిగి అరగంటసేపు నానబెట్టాలి.
2. స్టౌ వెలిగించి మందపాటి గిన్నెలో డాల్డా, కొద్దిగా నూనె లేదా నెయ్యి వేసి వేడయిన తర్వాత లవంగాలు, సాజీరా, యాలకులు, దాల్చిన చెక్క నిలువుగా తరిగిన మిర్చి, ఉల్లిముక్కల్ని వేసి దోరగా వేయించాలి.
3. ఇప్పుడు అల్లంవెల్లుల్లి పేస్ట్, పసుపు, పుదీనా వేసి 2 నిమిషాల తరువాత గోంగూర ఆకులు వేయాలి.
4. పెరుగు, చికెన్, మిర్చిపొడి, ఉప్పు వరుసగా వేసి, తక్కువ మంటపై ఉడికించాలి.

5. మరో గిన్నెలో నీటిని మరిగించి అందులో నానబెట్టిన బియ్యం వేయాలి. అన్నం సగం ఉడికిన తర్వాత దాన్ని వార్చి చికెన్ మసాలాలు ఉడుకుతున్న గిన్నెలోకి వేయాలి. ఆవిరి బయటికు పోకుండా ఉండేలా నిండుగా మూతపెట్టి, ఆ తర్వాత తక్కువ మంట మీద 20 నిమిషాలు మగ్గించాలి. అంతే వేడి వేడి గోంగూర చికెన్ బిర్యానీ రెడీ.