హనీ -సోయా బ్రాయిల్డ్ సాల్మన్

హనీ సోయా బ్రాయిల్డ్ సాల్మన్ ఆసియా వంటకాల్లో ఒక ప్రధానమైన వంటకం. ఇది చేయడం చాలా సులభం.
తియ్య తియ్యగా, ఉప్ప ఉప్పగా.. కొద్దిగా వగరుగా ఉండే సోయా సాస్, రైస్ వెనిగర్ మరియు తేనె మిశ్రమంతో సాస్ చేసుకొని ఫిష్ ఫిల్లెట్ కు మ్యారినేట్ చేసి ఫ్రై చేసిన ఫిష్ చాలా రుచికరంగా ఉంటుంది. దానికి వేయించిన నువ్వులను గార్నిష్ చేయడం వల్ల మరింత రుచి, ఆకర్షణ కలిగి ఉంటుంది. దీన్ని వేడి వేడి అన్నంతో సర్వ్ చేయవచ్చు.

కావలసిన పదార్థాలు
ఉల్లిపాయ(చిన్న ఉల్లిపాయ): 1 (ముక్కలుగా కట్ చేసుకోవాలి)
సోయా సాస్: 2tbsp
రైస్ వెనిగర్: 1tbsp
తేనె: 1tbsp
అల్లం తురుము: 1tsp
సాల్మన్ ఫిష్ ఫిల్లెట్: 1kg(కావాల్సిన సైజ్ లో కట్ చేసుకోవాలి)
నువ్వులు: 1tsp(వేయించినవి)

తయారు చేయు విధానం:
1. ముందుగా ఒక గిన్నెలో కట్ చేసిన చిన్న ఉల్లిపాయ కాడలు, సోయా సాస్, వెనిగర్, తేనె మరియు అల్లం తురుము వేసి బాగా కలుపుకోవాలి.
2. ఈ మిశ్రమాన్ని శుభ్రం చేసుకొన్న చేప ముక్కలకు, ముందుగా తయారు చేసుకొన్నసోయా సాస్ మిశ్రమాన్ని అన్నివైపులా రాయాలి. తర్వాత ఈ మ్యారినేట్ చేసిన చేపలను ఫ్రిజ్ లో అరగంట పాటు పెట్టుకోవాలి.
3. తర్వాత స్టౌ వెలిగించి, దాని మీద పాన్ పెట్టి దాని మీద కొద్దిగా నూనె వేసి వేడి అయిన తర్వాత ఫ్రిజ్ పెట్టిన చేప ముక్కలను తీసి పాన్ లో పెట్టి బాగా బ్రౌన్ కలర్ వచ్చేంత వరకూ వేయించాలి. అన్ని వైపులా తిప్పుతూ బాగా కాలనివ్వాలి.
4. తక్కువ మంట మీద వేయించడం వల్ల ఫిష్ కు మారినేట్ చేసి సాస్ బాగా అంటి రుచిగా ఉంటుంది. ఫిష్ బ్రౌన్ కలర్ వచ్చిన తర్వాత ప్లేట్ లోనికి తీసుకొని దాని మీద మిగిలిన సోయా సాస్ మిశ్రమాన్ని వేసి, వేయించిన నువ్వులను గార్నిష్ చేసి, సర్వ్ చేయాలి. అంతే హనీ సోయా బ్రాయిల్డ్ సాల్మన్ రెడీ..