హాట్ హాట్ ఎగ్ బజ్జీ....!

Published: Thursday, May 10, 2012, 17:08 [IST]

గుడ్లు ఇంట్లో ఉంటే ఏదో ఒక వెరైటీ చేసేసి చకచకా తినేస్తాం...ఎక్కువ ఆకలిసినప్పుడు.. ఎమర్జెన్సీకి అతి త్వరగా అయిపోయి... ఆకలి తీర్చే వంటకం ఎగ్ ఆమ్లెట్... అమ్లెట్స్ కూడా రకరకాలుగా చేస్తుంటారు. ఇంకా గుడ్డు మసాలా, కర్రీ, ఎగ్ బుర్జు ఇలా రకానికో కొత్తరకం చేసి రుచిచూస్తుంటారు. అలాంటి వాటిల్లో మరొక రుచికరమైన వంటకం ఎగ్ బజ్జీ... ఇది చేయడం చాలా సులభం.. అతి తక్కువ సమయం పడుతుంది.. ఈవినింగ్ స్నాక్ గా దీన్ని కెచప్ తో తింటే ఆ మజాయే వేరు....

గుడ్లు: 6(ఉడికించి పై పొట్టి తీసినవి)
శెనగపిండి: 1cup
బియ్యం పిండి: 2tsp
ఉప్పు: రుచికి తగినంత
బేకింగ్ సోడా: చిటికెడు
కారం: 1tsp
ధనియా, జీలకర్ర పొడి: 1tsp
ఛాట్ మసాలా: 1/2tsp
నూనె: తగినంత

తయారు చేయు విధానం:
1. ముందుగా ఉడికించి పెట్టుకొన్ని గుడ్లను ఒక్కదాన్ని నాలుగు బాగాలుగా కట్ చేసి పెట్టుకోవాలి.
2. తర్వాత చిన్న బౌల్ తీసుకొని అందులో గుడ్లు తప్ప మిగిలిన అన్ని పదార్థాలను బౌల్లో తీసుకొని అందులో కొద్దిగా నీళ్లు పోసి బజ్జీల పేస్ట్ లా కలుపుకోవాలి.
3. ఇప్పుడు పాన్ లో నూనె వేసి వేడయ్యాక కట్ చేసి పెట్టుకొన్న ఒక్కొక్క గుడ్డును తయారు చేసి పెట్టుకొన్న బజ్జీల పిండిలో ముంచి కాగే నూనెలో వేయాలి.
4. వీటిని బ్రౌన్ కలర్ వచ్చేంత వరకూ బాగా వేయించి పక్కకు తీసి పెట్టుకొని, కెచప్ తో వేడివేడిగా సర్వ్ చేయాలి. అంతే ఎగ్ బజ్జీ రెడీ.....