స్పైసీ మిర్చ్ ముర్గ్ టిక్కా

Published: Wednesday, August 15, 2012, 16:03 [IST]

కావలసిన పదార్థాలు:
బోన్ లెస్ చికెన్ : 1/2kg
అల్లం: 50grms
వెల్లుల్లి: 50grms
పచ్చిమిర్చి: 8-10
నిమ్మరసం: 1tsp
పెరుగు: 1cup
యాలకులు: 2-4
దాల్చిన చెక్క: చిన్న ముక్క
కారం: 2tsp
లవంగాలు: 4-6
ఉప్పు: రుచికి తగినంత
చాట్ మసాలా: 1tbsp
బట్టర్: 2tbsp
నూనె: కావలసినంత
ఉల్లిపాయలు: 3-4

తయారు చేయు విధానం:
1. ముందుగా బోన్ లెస్ చికెన్ ను సాధ్యమైనంత పెద్ద ముక్కలుగా కత్తిరించండి.
2. తర్వాత మిక్సిలో అల్లం వెల్లుల్లి వేసి మెత్తని పేస్ట్ లా గ్రైండ్ చేసుకోవాలి. అలాగే పచ్చిమిర్చిని కూడా పేస్ట్ లా తయారు చేసుకోవాలి.
3. తర్వాత మిక్సింగ్ బౌల్ తీసుకొని అందులో శుభ్రం చేసిన చికెన్ ముక్కలు, అల్లం వెల్లుల్లి పేస్ట్, పచ్చిమిర్చి పేస్ట్, నిమ్మరసం, పెరుగు, కారం, గరం మసాలా, ఉప్పును వేసి చికెన్ ముక్కలకు బాగా పట్టే విధంగా కలుపుకోవాలి. ఈ మిశ్రమాన్ని ఒక గంట పాటు పక్కన పెట్టుకోవాలి.
4. ఒక గంట తర్వాత తందూరి పై వేడిచేయండి వండుతున్నంత సేపు బట్టర్ ను కలుపుతుండాలి. ముక్కలు మెత్తగా మారేంత వరకూ ఫ్రై చేయాలి. అంతే మిర్చి ముర్గ్ టిక్కా రెడీ...