కీమా బులెట్స్ గ్రేవి

Non Veg

oi-Saraswathi

By Sindhu

Published: Wednesday, December 28, 2011, 16:17 [IST]

కావలసిన పదార్ధాలు:
మెత్తటి మటన్ కీమా: 1/2kg
ఉల్లిపాయలు: 2
పచ్చిమిర్చి: 4
ఎండు కొబ్బరి తురుము: 1/2cup
కారం: 2tsp
పసుపు: 1/4tsp
ధనియాలపొడి: 2tsp
గరం మసాల పొడి: 1tsp
అల్లం వెల్లుల్లి పేస్ట్: 2tsp
పెరుగు: 1cup
కరివేపాకు: రెండు రెబ్బలు
కొత్తిమీర: ఒక కట్ట
నూనె: కావలసినంత
ఉప్పు: రుచికి సరిపడా

తయారు చేయు విధానం:
1. ముందుగా కీమాని క్లీన్ గా కడిగి అందులో ఉప్పు, సగం కారం, పసుపు, ధనియాలపొడి, సగం గరం మసాల పొడి, సగం అల్లం వెల్లుల్లి పేస్ట్, సగం కొబ్బరి కోరు వేసి బాగా కలిపి ఒక్కసారి మిక్సీలో వేసి తడి చేత్తో చిన్న చిన్న ఉండలుగా చేసుకొని పక్కన పెట్టుకోవాలి.
2. తర్వాత స్టౌ వెలిగించి పాన్ పెట్టి అందులో నూనె పోసి, సన్నగా తరిగిన ఉల్లిపాయ ముక్కలు వేసి బాగా గోధుమ రంగు వచ్చేవరకు వేయించాలి.
3. తర్వాత నిలువుగా తరిగిన పచ్చిమిర్చి, కరివేపాకు, కారం, తగినంత ఉప్పు, అల్లం వెల్లుల్లి పేస్ట్ వేసి బాగా వేపి పెరుగువేసి మూత పెట్టి కొద్దిసేపు ఉడకనిచ్చి తరువాత కీమా ఉండలను అందులో వేసి నీరంతా ఇగిరేవరకు సన్నని మంటపై ఉడకనివ్వాలి.
4. చివరగా మిగిలిన గరం మసాలా, కొబ్బరి తురుముని కూడా అందులో వేసి ఒక గ్లాస్ నీరుపోసి సన్నని మంట మీద నూనె పైకి తేలేదాక ఉడకనిచ్చి, కొత్తిమీర తో సర్వ్ చేసుకోవాలి.