స్పెషల్ టేస్ట్ ఖీమా పరోటా

కావలసిన పదార్థాలు:
గోధుమపిండి: 1/2kg
మటన్ కీమా: 1/4kg
ధనియాలపొడి: 1tsp
గరం మసాల: 2tsp
ఉల్లిపాయలు: 2cups(సన్నని ముక్కలుగా తరుగుకోవాలి)
కారంపొడి: 1/2tsp
పసుపు: చిటికెడు
నూనె: 1cup
గుడ్డు: 1
కొత్తిమీర తరుగు: 1cup
అల్లంవెల్లుల్లి పేస్ట్: 1tbsp
ఉప్పు: రుచికి తగినంత

తయారు చేసే విధానం:
1. ముందుగా గోధుమపిండి జల్లించి, దానికి తగినంత ఉప్పు,నీళ్ళు కలిపి మెత్తగా పరోటా పిండి కలిపి ఒక 10 నిమిషాలు పక్కన పెట్టుకోవాలి.
2. తర్వాత ఖీమాను ఒక గిన్నెలో ఉప్పు వేసి మెత్తగా ఉడికించుకోవాలి.
3. స్టౌ మీద పాన్ పెట్టి అందులో నూనె వేసి, కాగిన తర్వాత సన్నగా తరిగిన ఉల్లిపాయ ముక్కలను వేసి ఎర్రగా వేయించుకోవాలి.
4. ఇప్పుడు అందులోనే అల్లంవెల్లుల్లి పేస్ట్, కారం, పసుపు, ధనియాలపొడి, గరం మసాలా పొడి వేసి ఉడికించిన ఖీమాను కూడా కలిపి ఫ్రై చేయాలి.
ఇలా తయారైన ఖీమా ఫ్రై పైన కొత్తిమీర చల్లుకోవాలి.
ఖీమా పరోటా తయారీ:
1. ఇప్పుడు కలిపి పెట్టుకున్న గోధుమపిండి ముద్దని చిన్న చిన్న ఉండలుగా చేసుకుని ఈ వుండ మధ్యలో ఖీమా ఫ్రై ని పెట్టి, కవర్ చేసి చపాతీ కర్రతో పలుచగా వత్తుకోవాలి.
2. ఇలా అన్నింటిని తయారు చేసి పెట్టుకొన్న తర్వాత స్టౌ మీద చపాతీ పాన్ పెట్టి వేడయ్యాక కొంచెం నూనె వేసి ఖీమా పరోటాను వేసి ఎర్రగా కాల్చుకోవాలి. అంతే కీమా పరోటా రెడీ.

ఈ ఖీమా పరోటాలను నాన్ వెజ్ కర్రీ,పెరుగు రైతాలతో తింటే బాగుంటుంది.