మటన్ దాల్ మస్కా-రంజాన్ స్పెషల్

రంజాన్ మాసం వచ్చేసింది. సాయంత్రం వేళ బయటికి వెళితే హలీం ఘుమఘుమలు ముక్కుల్ని అదరగొట్టేస్తున్నాయి. ముస్లింలు రోజంతా ఉపవాసం ఉండి సాయంత్రం అయ్యాక ఇష్టపడి తినే వంటలు కొన్ని ఉన్నాయి. కర్జ్జూరాలతో రోజాని విడిచాక హలీం లేదా చికెన్ టిక్కా, బోటి కబాబ్, అపొలో ఫిష్, ఆపై బిర్యానీ, ఫ్రూట్ సలాడ్... ఇలా సాగుతుంది వారి డిన్నర్. వీటిలోనే ఒకటి ప్రత్యేకమైనది మటన్ దాల్ మస్కా. చాలా టేస్టీగా ఉంటుంది.

కావల్సిన పదార్థాలు:
మటన్: 300grms
సెనగపప్పు: 50grms
గోధుమరవ్వ: 100grms
పచ్చిమిర్చి: 6-8
ఉల్లిపాయలు: 1/2kg
పెరుగు: 1cup
వెన్న: 5tsp
పెసరపప్పు: 50grms
బియ్యం: 100grms
కారం: 1tsp
గరం మసాలా: 1/2tsp
పుదీనా: 2కట్టలు
కొత్తిమీర: 1కట్ట
నిమ్మకాయలు: 2
నూనె: వేయించడానికి సరిపడా
అల్లం వెల్లుల్లిపేస్ట్: 1tsp
ఉప్పు: రుచికి సరిపడా

తయారు చేయు విధానం:
1. ముందుగా ఒక బాణలిలో నూనె వేసి, వేడయ్యాక అందులో సన్నగా తరిగి పెట్టుకొన్న ఉల్లిపాయ ముక్కల్ని వేసి ఎర్రగా వేయించి తీయాలి.
2. తర్వాత అదే బాణలిలో నూనె వంపేసి కొద్దిగా ఉంచాలి. అందులో మంటన్ ముక్కలు, అల్లం వెల్లుల్లి పేస్ట్, కారం, గరం మసాలావేసి కలపాలి.
3. తర్వాత పెరుగు కూడా వేసి మటన్ ముక్కలు మెత్తగా అయ్యే వరకూ సన్నని మంట మీద ఉడికించాలి. తర్వాత 6గ్లాసుల నీళ్ళు పోయాలి.
4. నీళ్ళు బాగా మరిగిన తర్వాత అందులోనే బియ్యం, గోధుమరవ్వ, సెనగపప్పు, పెసరపప్పు కూడా వేసి బాగా ఉడికించాలి.
5. చివరగా ఉప్పు సరిచూసి పప్పు గుత్తితో మెత్తగా మెదపాలి.
6. ఇప్పుడు దీని మీద వేయించిన ఉల్లిపాయ ముక్కలు, వెన్న, నిమ్మరసం, వేసి కలపాలి. అలాగే పుదీనా, కొత్తిమీర గార్నిష్ చేసి వేడి వేడిగా వడ్డించాలి.