నోరూరించే మటన్ సుక్కా

Published: Wednesday, May 18, 2011, 17:38 [IST]

కావలసిన పదార్థాలు:
మటన్ : 500grms
ఉల్లిపాయముక్కలు : 1/2cup
అల్లంవెల్లుల్లి ముద్ద : 2tbsp
కారం : 1tsp
నువ్వుల పొడి :1tsp
గసాలు : 1tsp
పల్లీల(వేరుశెనగ) ముద్ద : 2tsp
మొక్కజొన్న పిండి : 1tbsp
గరం మసాలా : 2tbsp
కొత్తిమీర : 1cup
పుదీన : 1cup
ఉప్పు : రుచికి తగినంత
నూనె : సరిపడా.

తయారు చేయు విధానం:
1. మటన్‌ ని శుభ్రంగా కడిగి పక్కన పెట్టుకోవాలి. మిక్సీ గిన్నెలో ఉల్లిపాయ ముక్కలు, అల్లంవెల్లుల్లి ముద్ద, నువ్వుల పొడి, గసాలు, పల్లీల ముద్ద, మొక్కజొన్న పిండి, గరం మసాలా, ఉప్పు, కారం, కొద్దిగా నీళ్లు పోసి రుబ్బుకోవాలి.
2. తర్వాత ఈ ముద్దను మటన్‌ లో కలిపి ఒక పావుగంట నానపెట్టాలి.
3. ఆ తరువాత మటన్ ముక్కల్ని ఎండలో పెట్టాలి. బాగా ఎండాక స్టౌ మీద మందపాటి గిన్నె పెట్టి సరిపడా నూనె పోసి కాగాక ఎండపెట్టిన మటన్ ముక్కల్ని వేసి ఎర్రగా వేగించాలి. చివర్లో కొత్తిమీరతో అలంకరించాలి. అంతే మటన్ సుక్కా రెడీ..