పాలక్ - నాటు కోడి ఫ్రై

Published: Saturday, July 7, 2012, 16:34 [IST]

కావలసిన పదార్థాలు:
నాటు కోడి చికెన్: 1kg
ఉల్లిపాయలు: 4
పచ్చిమిర్చి: 6-8
ఎండుమిర్చి: 8
పాలకూర తరుగు: 2cups
అల్లం, వెల్లుల్లి పేస్ట్: 1tsp
గరం మసాలా (దాల్చిన చెక్క: చిన్న ముక్క, లవంగాలు: 5, ఏలకులు: 3 కలిపి పొడి చేయాలి): 1tsp
పసుపు: 1tsp
పుదీనా ఆకులు: 1/2cup
ఉప్పు: రుచికి తగినంత
నూనె: వేయించడానికి సరిపడా
కరివేపాకు: రెండు రెమ్మలు

తయారు చేయు విధానం:
1. ముందుగా కోడి మాంసం కావలసిన పరిమాణంలో కట్ చేసి, శుభ్రం చేసి పక్కన పెట్టుకోవాలి.
2. తర్వాత ఉల్లిపాయలను, పచ్చిమిర్చిని సన్నగా తరగాలి.
3. ఇప్పడు కోడి మాంసానికి పసుపు, గరం మసాలా పట్టించి స్టౌ మీద పెట్టి కొద్ది సేపు ఉడికించుకోవాలి. ఐదు నిమిషాల తర్వాత కొద్దిగా నీళ్లు పోసి మరికాసేపు ఉడికించాలి.
4. మరో స్టౌ మీద పాన్ పెట్టి, నూనె పోసి, కాగిన తర్వాత ఉల్లిపాయ ముక్కలు, పచ్చిమిర్చి, అల్లం వెల్లుల్లిపేస్ట్, కరివేపాకు, పుదీనా, పాలకూర వేసి బాగా వేయించుకోవాలి.
5. పాలకూర, పచ్చిమిచ్చి, ఉల్లిపాయ ముక్కలు బాగా వేగాక, ఉప్పు కలిపి, ఉడికిన కోడిమాంసాన్ని వేసి వేయించాలి. దించే ముందు ధనియాల పొడి, కొత్తిమీర చల్లాలి. మరో రెండు నిమిషాల పాటు వేయించుకోవాలి. అంతే పాలక్ నాటు కోడి ఫ్రై రెడీ...

Comments

Story first published: Saturday, July 7, 2012, 16:34 [IST]

Latest Updates

Palak - Natukodi Fry | పాలక్ - నాటు కోడి ఫ్రై