టేస్టీ టేస్టీ కరాచి ఫిష్ కర్రీ

Non Veg

oi-Saraswathi

By Sindhu

Published: Wednesday, January 4, 2012, 17:37 [IST]

కావలసిన పదార్థాలు:
చేపముక్కలు: 1kg
ఉల్లిపాయముక్కలు: 1cup(సన్నగా తరిగినవి)
అల్లంముక్కలు: 2tbsp(సన్నగా తరిగినవి)
చింతపండుపులుసు: 2tbsp
కొబ్బరిపాలు: 1cup
కొబ్బరికోరు: 1cup
ఎండుమిర్చి: 6-8
కారం: 3tbsp
నానబెట్టిన బియ్యం: 4tbsp
జీలకర్ర: 2tbsp
దనియాలు: 3tbsp
పసుపు: 1tbsp
నూనె: కావలసినంత
ఉప్పు: రుచికి తగినంత
వేయించిన మెంతిపిండి: 2tbsp

తయారుచేయు విధానం:
1. శుభ్రంగా కడిగిన చేపముక్కలకు ఉప్పు, కారం, పసుపు పట్టించి అరగంటసేపు పక్కన ఉంచాలి.
2. దనియాలు, జీలకర్ర దోరగా వేయించాలి. అందులోనే ఎండుమిర్చి, నానబెట్టిన బియ్యం, కొబ్బరికోరు కలిపి అన్నింటినీ మిక్సీలో వేసి మెత్తగా గ్రైండ్‌ చేయాలి.
3. ఓ బాణలిలో నూనె వేసి కాగాక అందులో ఉల్లిముక్కలు రెండు నిమిషాల తరవాత అల్లంముక్కలు వేసి దోరగా వేయించాలి.
4. తరవాత చేపముక్కలు వేసి అందులో నీరంతా ఇంకిపోయి నూనె తేలేంత వరకూ మీడియం మంటపైన ఉడికించాలి.
5. తరవాత గ్రైండ్‌ చేసి ఉంచిన మసాలా మిశ్రమం వేసి పది నిమిషాలపాటు వేగనివ్వాలి. ఇప్పుడు చింతపండు పులుసు వేసి 2 గ్లాసుల నీళ్లు పోసి మూతపెట్టి ఉడికించాలి.
6. కూర బాగా ఉడికి ముక్క గట్టిపడి గ్రేవీ చిక్కబడుతుండగా అందులో కొబ్బరిపాలు పోసి మూతపెట్టి మీడియం మంటమీద పది నిమిషాలు ఉడికించి చివరగా మెంతిపొడి వేసి దించాలి.