ఈజీ అండ్ టేస్టీ టమోటో కోడిగుడ్డు స్పెషల్

Non Veg

oi-Saraswathi N

By Sindhu

Published: Tuesday, September 28, 2010, 15:34 [IST]

కావలసిన పదార్ధాలు:
టమోటాలు: 250gms
కోడిగుడ్లు: 3
ఉల్లిపాయ: 1
పచ్చిమిర్చి: 3
కరివేపాకు: 2 రెబ్బలు
అల్లం వెల్లుల్లి పేస్ట్:1tsp
పసుపు: 1/4 tsp
కారం పొడి: 1tsp
ఉప్పు : రుచికి సరిపడా
గరం మసాలా పొడి: 1/2 tsp
కొత్తిమిర: 1/2cup
నూనె : కావలసినంత

తయారు చేయు విధానము:
1. ఉల్లిపాయ, టమోటోలు, పచ్చిమిర్చి సన్నగా తరిగి పెట్టుకోవాలి.
2. తర్వాత ప్యాన్ లో నూనె వేసి వేడి చేసి తర్వాత సన్నగా తరిగి పెట్టుకొన్న పచ్చిమిర్చి, ఉల్లిపాయ ముక్కలు వేసి అవి మెత్తబడేవరకు వేయించాలి.
3. ఇప్పుడు అల్లంవెల్లుల్లి పేస్ట్, పసుపు, కరివేపాకు వేసి కొద్దిగా వేయించాలి. తర్వాత టమోటో ముక్కలు, తగినంత ఉప్పువేసి బాగా కలిపి మూత పెట్టాలి.
4. ముక్కలు మెత్తబడ్డాక అరకప్పు నీరు పోసి మెత్తగా ఉడికించాలి. నీరంతా ఇగిరిపోయాక గుడ్లు కొట్టిపోయాలి. వాటిని కలపకుండా అలాగే ఉంచి మూతపెట్టాలి. దీనివలన గుడ్డు పెద్ద ముక్కలుగా ఉంటుంది.
5. ఫైనల్ గా గుడ్డు ఉడికాక మెల్లిగా కలిపి గరం మసాలా పొడి, కొత్తిమిర వేసి కలిపి దింపేయాలి. అంతే టమోటో కోడిగుడ్డు స్పెషల్ కర్రీ రెడీ. రైస్ చపాతీలకు మంచి కాంబినేషన్.