వెరైటీ పాలకూర చికెన్..

By Kuladeep

Published: Wednesday, February 17, 2010, 17:05 [IST]

ఎప్పుడూ చికెన్ బిర్యానీ, చికెన్ కీమా, ఫ్రై లాంటివి తిని మొహం మొత్తిందా..!! అయితే వెరైటీగా చికెన్ కు పాలకూరను జతకలిపిన ఈ పాలకూర చికెన్ ను ఓ సారి ప్రయత్నించి చూడండి.. నేను చేసి చూసాను..ఏముంది గిన్నె ఖాలీ..అర్థం కాలేదా అదిరిపోయింది.

కావలసిన పదార్థాలు:
చికెన్ - 1 కేజీ
పాలకూర - 4 కట్టలు
టమాటాలు - 2
ఉల్లిపాయ - 1
పసుపు - 1/2 టేబుల్ స్పూను
కారం పొడి - 2 టేబుల్ స్పూన్లు
ఉప్పు - తగినంత
గరం మసాలా పొడి - 1/4 టేబుల్ స్పూను
అల్లం వెల్లుల్లి పేస్టు - 2 టేబుల్ స్పూన్లు
నూనె - తగినంత

తయారీ విధానం:
1. మొదట పాలకూరను కడిగి నీరు పోసి ఐదు నిమిషాల పాటు ఉడికించి తర్వాత జల్లెడలో వెయ్యాలి.
2. ఆ తర్వాత తరిగిన టమాటా ముక్కలను, ఈ పాలకూరను పేస్ట్ లాగా గ్రైండ్ చేసుకోవాలి.
3. ఇప్పుడు పాన్ లో నూనె పోసి అది వేడెక్కిన తర్వాత అందులో తరిగిన ఉల్లిపాయ ముక్కలు వేసి అవి ఎర్రబడే వరకూ వేయించాలి. తర్వాత ఇందులోకి పసుపు, అల్లం వెల్లులి పేస్టు, కారం పొడి వేసి రెండు నిమిషాల తర్వాత శుభ్రంగా కడిగిన చికెన్ ముక్కలను, ఉప్పువేసి బాగా కలిపి మూత పెట్టాలి.
4. ముక్కలు వేగాకా పాలకూర ముద్దను వేసి, గరం మసాలా పొడి, అరకప్పు నీరు పోసి కలిపి మూత పెట్టి నిదానంగా ఉడకనివ్వాలి.
5. ముక్కలు ఉడికి నూనె పైకి తేలిన తర్వాత దింపేయాలి.

ఈ కూర అన్నం, రొట్టెలలోకి బాగుంటుంది.