Latest Updates
-
ఒక్క లిప్ కిస్ ప్లీజ్.. విదేశీ యూట్యూబర్ తో మనోడు వెకిలి చేష్టలు, వీడియో చూడండి.. -
రాజస్థానీ పెరుగు వెల్లుల్లి చట్నీ.. ఇడ్లీ, దోశ, చపాతీలకు బెస్ట్ సైడ్ డిష్..ఎలా చేసుకోవాలంటే.. -
ఆరోగ్యం, రుచి కలగలిసిన చలికాలం స్పెషల్..బీట్ రూట్ లడ్డూ ఇలా ఈజీగా చేసేయండి! -
సాయంత్రం టీ టైమ్ కోసం కరకరలాడే అటుకులు వేరుశెనగ పకోడీ.. నిమిషాల్లో ఇలా చేసుకోండి! -
కీళ్ల నొప్పులకు చెక్.మందులు లేకుండా ఉపశమనం ఇచ్చే ఆయుర్వేద నూనె మీ ఇంట్లోనే చేసుకోండిలా.. -
చలికాలంలో వేడివేడిగా తినాల్సిన వంటకం.. అచ్చమైన రాజస్థానీ మక్కీ బాటీ తయారీ ఎలాగంటే.. -
ఇంట్లోనే స్ట్రీట్ స్టైల్ బంగాళదుంప మోమోలు.. తక్కువ పదార్థాలతో సులభంగా చేసేయండిలా.. -
చలికాలంలో షుగర్ పేషంట్లు ఉదయం నుంచి రాత్రి దాకా ఏం తినాలి? -
డయాబెటిస్ లక్షణాలు లేకపోయినా ప్రమాదమే! షుగర్ వ్యాధిని ముందే గుర్తించడం ఎలా? -
చపాతీ పిండిలో ఈ రెండు కలిపి చూడండి.. కూర లేకపోయినా కడుపునిండా తినేస్తారు!
క్యాల్షియం, ప్రొటీన్ల ఖజానా..ఎముకలకి ఉక్కులాంటి బలాన్నిచ్చే రాగి కిచిడీ
ఈ రోజుల్లో ఆహారం కేవలం కడుపు నింపడానికే కాదు, మనల్ని ఆరోగ్యంగా ఉంచడానికి కూడా ఉపయోగపడాలి. ఒకపక్క రుచిగా ఉంటూనే, మరోపక్క శరీరానికి అవసరమైన పోషకాలను అందించే ఆహారం కోసం అందరూ అన్వేషిస్తున్నారు. ఆరోగ్యకరమైన ఆహారం అంటే చప్పగా, బోర్ కొట్టేలా ఉంటుంది అనే అపోహను చెరిపేస్తూ, మీ రోజువారీ డైట్ లో చేర్చుకోదగ్గ అద్భుతమైన వంటకం రాగి కిచిడీ. సాధారణ పప్పు-బియ్యం కిచిడీకి పూర్తిగా భిన్నంగా.. రాగి, రకరకాల పప్పులు, తాజా కూరగాయల కలయికతో తయారయ్యే ఈ కిచిడీ రుచిలోనూ, ఆరోగ్యంలోనూ సాటిలేనిది.

రాగి కిచిడీ తయారీకి కావలసిన పదార్థాలు
రాగి - 100 గ్రాములు
మసూర్ పప్పు, కందిపప్పు, పెసరపప్పు - తలా 50 గ్రాములు
నూనె - 2 టేబుల్ స్పూన్లు
జీలకర్ర- అర టీస్పూన్
ఆవాలు - అర టీస్పూన్
కరివేపాకు - 2 రెమ్మలు
ఉల్లిపాయ - 1
క్యారెట్, బీన్స్, బఠానీలు - తలా 30 గ్రాములు
టమోటా - 1
ఉప్పు - రుచికి తగినంత
పసుపు - పావు టీస్పూన్
గరం మసాలా - 1 టీస్పూన్
నీరు - అవసరమైనంత
నెయ్యి - 2 టేబుల్ స్పూన్లు
వెల్లుల్లి - 1 టేబుల్ స్పూన్
కాశ్మీరీ ఎర్ర కారం - అర టీస్పూన్
కొత్తిమీర - కొంచెం
రాగి కిచిడీ తయారీ విధానం
-ముందుగా రాగి, మసూర్ పప్పు, కందిపప్పు, పెసర పప్పులను ఒక గిన్నెలో తీసుకొని శుభ్రంగా కడగాలి. కిచిడీ త్వరగా ఉడకడానికి, మెత్తగా రావడానికి వీటిని కాసేపు నీటిలో నానబెట్టండి.
-తర్వాత ఒక ప్రెషర్ కుక్కర్లో రెండు టేబుల్ స్పూన్ల నూనె వేడి చేయండి. అందులో జీలకర్ర, ఆవాలు వేసి చిటపటలాడాక కరివేపాకు వేయాలి. ఆ తర్వాత తరిగిన ఉల్లిపాయలు వేసి లేత బంగారు రంగు వచ్చేవరకు వేయించండి. ఇప్పుడు క్యారెట్, బీన్స్, బఠానీలు వేసి 2-3 నిమిషాల పాటు మగ్గనివ్వండి. ఆ తర్వాత టమోటా ముక్కలు వేసి బాగా కలపాలి.
-టమోటాలు మెత్తబడ్డాక ఉప్పు, పసుపు, గరం మసాలా వేసి వేయించండి. మసాలాల పచ్చివాసన పోయాక ముందుగా నానబెట్టుకున్న రాగి, పప్పుల మిశ్రమాన్ని ఇందులో వేసి కలపండి. అవసరమైనంత నీరు పోసి, అన్నీ బాగా కలిసేలా గరిటెతో తిప్పి కుక్కర్ మూత పెట్టండి. 3 నుండి 4 విజిల్స్ వచ్చే వరకు ఉడికించాలి. ఇలా చేయడం వల్ల రాగి, పప్పులు, కూరగాయలు అన్నీ చక్కగా ఉడికి కిచిడీ నోరూరించే క్రీమీ ఆకృతిలోకి వస్తుంది.
-కిచిడీ రుచిని అమాంతం పెంచేది తాలింపే. ఇందుకోసం ఒక చిన్న పాన్ లో 2 టేబుల్ స్పూన్ల నెయ్యి వేడి చేసి, అందులో సన్నగా తరిగిన వెల్లుల్లి వేసి దోరగా వేయించండి. చివరగా కాశ్మీరీ ఎర్ర కారం వేసి వెంటనే స్టవ్ ఆఫ్ చేయండి.
-ఈ ఘుమఘుమలాడే నెయ్యి-వెల్లుల్లి తాలింపును నేరుగా వేడివేడి కిచిడీపై పోసి, పైన తాజా కొత్తిమీర ఆకులతో అలంకరించండి. అంతే ఎంతో రుచికరమైన, ఆరోగ్యానికి మేలు చేసే వేడి వేడి రాగి కిచిడీ రెడీ.

రాగి కిచిడీతో కలిగే అద్భుతమైన ఆరోగ్య ప్రయోజనాలు
ఎముకల బలానికి రాగి: రాగి ఒక సూపర్ఫుడ్. ఇందులో క్యాల్షియం, ఐరన్ పుష్కలంగా ఉంటాయి. ఇది ఎముకల దృఢత్వానికి, రక్తహీనతను నివారించడానికి ఎంతో మేలు చేస్తుంది.
ప్రొటీన్ల గని: ఇందులో వాడే మసూర్, కంది, పెసర పప్పులు శరీరానికి అవసరమైన అత్యుత్తమ ప్రొటీన్లను అందిస్తాయి. ఇది కండరాల నిర్మాణానికి సహాయపడుతుంది.
ఫైబర్ తో నిండిన కూరగాయలు: ఇందులో వాడే కూరగాయలు పోషక విలువలను పెంచడమే కాకుండా జీర్ణవ్యవస్థను మెరుగుపరుస్తాయి. ఫైబర్ వల్ల కడుపు నిండిన భావన ఎక్కువసేపు ఉంటుంది, కాబట్టి బరువు తగ్గాలనుకునేవారికి ఇది బెస్ట్ ఆప్షన్.
రోగనిరోధక శక్తి: పిల్లల నుంచి పెద్దల వరకు అందరికీ ఇది సులభంగా జీర్ణమై, వ్యాధి నిరోధక శక్తిని పెంచుతుంది.
Boldsky బ్రేకింగ్ న్యూస్ అలర్ట్స్ కోసం | Subscribe to Telugu Boldsky.



Click it and Unblock the Notifications
