ఆలూ కచోరి

Snacks

oi-Saraswathi N

By Sindhu

Published: Tuesday, October 5, 2010, 12:10 [IST]

కావలసిన పదార్ధాలు:
బంగాళా దుంపలు: 250 grms
మొక్క జొన్న పిండి: 50 grms
కొబ్బరి తురుము: 200 grms
నూనె : 25 grms
పంచదార : 50 grms
నిమ్మరసం : 1 tsp
పచ్చిమిరపకాయలు : 8
నూనె : వేయించడానికి తగినంత
ఉప్పు : రుచికి సరిపడ

తయారు చేయు విధానము:
1. ముందుగా బంగాళాదుంపలను ఉడికించి, పై పొట్టు తొలగించి చిదిమి పెట్టుకోవాలి.
2. చిదిమిన బంగాళాదుంపకి మొక్క జొన్న పిండి, రుచికి సరిపడ ఉప్పు వేసుకొని కలుపుకొని పక్కన పెట్టుకోవాలి.
3. స్టౌ వెలిగించి పాన్ పెట్టి అందులో నూనె వేసి వేడి చేసి పచ్చిమిర్చి, కొబ్బరి తురుము, కొత్తిమిర, నిమ్మ రసం, పంచదార, ఉప్పు వేసి కాసేపు వేయించాలి.
4. ముందుగా తయారు చేసి పెట్టుకొన్న బంగాళాదుంప మిశ్రమాన్ని అరచేతిలో ఉంచుకొని వాటిని గుండ్రంగా చేసి కొద్దిగా నొక్కి మధ్యలో కొబ్బరి తురుము మిశ్రమాన్ని పెట్టి చుట్టేయాలి.
5. పాన్ లో నూనె వేసి వేడి అయ్యాక అందులో ఒక్కొక్కటి తీసుకొని నూనెలో బంగారు రంగు వచ్చే వరకు వేయించాలి. అంతే ఆలు కచోరి రెడీ.