భీరకాయ బజ్జీలు

బీరకాయలు - 3 లేతవి
శనగపిండి - 1/2 kg
బియ్యంపిండి - 1/2 cup
నూనె - వేయించడానికి సరిపడా
వంటసోడా - చిటికెడు
ఉప్పు - తగినంత
కారం - 1 tsp

తయారు చేయు విధానం:

బీరకాయలను శుభ్రంగా కడిగి, చెక్కుతీసి చిప్స్‌లాగా గుండ్రంగా (కావలసిన ఆకారంలో) కోసుకోవాలి. శనగపిండిలో బియ్యంపిండి, వంటసోడా, ఉప్పు, కారం కలిపి బజ్జీల పిండిలాగా (మరీ చిక్కగా లేదా మరీ పలుచగా లేకుండా మీడియంగా ఉండేటట్లు) కలుపుకోవాలి. ఈ మిశ్రమాన్ని ఓ ఇరవై నిమిషాలపాటు అలాగే నాననివ్వాలి. ఆ తరువాత గుండ్రంగా కోసుకున్న బీరకాయ ముక్కలను పిండిలో ముంచి బాగా కాగుతున్న నూనెలో వేసి దోరగా వేయించుకోవాలి. అంతే వేడి వేడి బీరకాయ బజ్జీలు రెడీ. చాలా త్వరగా, సులభంగా తయారయ్యే ఈ బీరకాయ బజ్జీలు తినేందుకు కూడా చాలా రుచిగా ఉంటాయి.