బ్రెడ్ దహీ వడ-లో ఫ్యాట్

Snacks

oi-Saraswathi

By Sindhu

Published: Friday, July 6, 2012, 13:10 [IST]

కావలసిన పదార్థాలు:
బ్రెడ్ స్లైస్ : 6
మజ్జిగ: 1cup
గట్టి పెరుగు: 1/2cup
కారం: 1/2tsp
చాట్ మసాలా: 1/2tsp
బ్లాక్ సాల్ట్: 1/4tsp
పంచదార: చిటికెడు
దానిమ్మ గింజలు: 3tbsp
కొత్తిమీర తరుగు: 1tbsp
ఉప్పు: రుచికి సరిపడా

తయారు చేయు విధానం:
1. ముందుగా బ్రెడ్ స్లైస్ చివరలను కట్ చేసి తొలగించి పక్కన పెట్టుకోవాలి.
2. ఇప్పుడు గట్టి పెరుగును మజ్జిగతో చేర్చి రెండూ బాగా మిక్స్ చేయాలి.
3. తర్వాత మజ్జిగ పెరుగు మిశ్రమంలో జీలకర్ర పొడి, కారం, పంచదార, ఉప్పు వేసి బాగా మిక్స్ చేయాలి. ఇలా తయారు చేసుకొన్న కర్డ్ మిక్స్ ను పక్కన పెట్టుకోవాలి.
4. ఇప్పుడు సర్వింగ్ డిష్ లో నాలుగు టేబుల్ స్పూన్ల పెరుగు మిశ్రమాన్ని పోసి, అందులో బ్రెడ్ స్లైస్ ను పెట్టుకోవాలి.
5. తర్వాత ఈ బ్రెడ్ స్లైసెస్ మీద కూడా ఈ కర్డ్ మిశ్రమాన్ని పోయాలి. ఆతర్వాత చాట్ మసాలా పౌడర్, కారం, బ్లాక్ సాల్ట్ , కొత్తిమీర తరుగు ఒకదాని తర్వాత ఒకటి చిలకరించాలి.
6. ఇలా తయారు చేసుకొన్న బ్రెడ్ స్లైస్ ను ఒకదాని మీద ఒకటి పెట్టి, పెరుగు మిశ్రమాన్ని పోసుకొంటూ సర్వింగ్ బౌల్ ల్లో అమర్చుకోవాలి.
7. చివరగా ఏమన్నా మిగిలుంటే ఆ పెరుగును కూడా పూర్తిగా బ్రెడ్ స్లైసెస్ మీద పోసేయాలి. చివరగా మరోసారి చాట్ మసాలా పౌడర్, కారం, రెడ్ చట్నీ, గ్రీన్ చట్నీ, దానిమ్మ గింజలు గార్నిష్ చేసి కొద్దిసేపు ఫ్రిజ్ లో పెట్టి చల్ల చల్ల గా సర్వ్ చేయాలి. అంతే బ్రెడ్ దహీ వడ రెడీ.