క్యాప్సికమ్-న్యూడిల్స్ థాయ్ సలాడ్...

Snacks

oi-Saraswathi

By Sindhu

Published: Thursday, June 14, 2012, 14:49 [IST]

వేసవి సెలవులు అయిపోయాయి. కాలేజీలు, బడులు తెరిచేసారు. అవసరమైన ఏర్పాట్లే కాదు... రోజుకోరకం అల్పాహారం చేసి... సిల్లని మెప్పించలేక.. తల్లులు పడే తిప్పలు మళ్లీ మొదలైనట్టే. తమ అల్పాహారం డబ్బా రుచిగా ఆకర్షణీయంగా ఉండాలని చిన్నారులు కోరుకుంటే వంటకాలు నిమిషాల్లో పూర్తి కావాలి. అదే సమయంలో పోషకాలూ అందించాలని తల్లులు తపన పడతారు. అలాంటి రుచి, పోషకాల వేళవింపే ఈ వంట. ఘాటైన మసాలాలతో చేసే నూడుల్స్ కన్నా.. ఈ రకంగా ప్రయత్నించవచ్చు. ఆరోగ్యానికీ మంచిది. పిల్లలూ ఇష్టంగా తింటారు.

కావల్సిన పదార్థాలు:
ఉడికించిన నూడుల్స్: 2cups
అన్నం: 1cup
క్యారెట్, క్యాబేజీ తరుగు: 1cup
ఉల్లిపాయ: 1/2cup
క్యాప్సికమ్(ఎరుపు, పసుపు)తరుగు: 1/2cup
ఉల్లికాడల తరుగు: 1/2cup
కొత్తిమీర: కట్ట(సన్నగా తరగాలి)
పచ్చిమిర్చి: రెండు(సన్నగా తరగాలి)
గార్నిష్ కోసం:
వేయించిన వేరుసెనగపప్పు పలుకులు: 1/2cup
ఉల్లికాడల తరుగు: కొద్దిగా
డ్రెస్సింగ్ కోసం:
నిమ్మరసం: 4tbsp
వెనిగర్: 1tbsp
సోయాసాస్: 3tbsp
పంచదార: 2tbsp
ఎండుమిర్చి గింజలు: 1tsp
మిరియాలపొడి: 1tsp
ఆలివ్ ఆయిల్: 3tbsp
అల్లం వెల్లుల్లి తరుగు: 1tbspచొప్పున

తయారు చేయు విధానం:
1. ముందుగా డ్రెస్సింగ్ కోసం సిద్ధం చేసి పెట్టుకున్న పదార్థాలన్నింటినీ ఓ సీసాలోకి తీసుకుని బాగా కలిపి పెట్టుకోవాలి.
2. ఇప్పుడు నూడుల్స్ తో పాటు మిగిలిన పదార్థాలన్నీ ఓ వెడల్పాటి పాత్రలోకి తీసుకుని బాగా కలపాలి.
3. పైన డ్రెస్సింగ్ చేర్చి రెండు చెంచాలతో మరోసారి కలిపి వేరు సెనగపప్పు పలుకులు, ఉల్లికాడల తరుగు అలంకరిస్తే చాలు థాయ్ సలాడ్ సిద్దమైనట్టే. ఇందులో వాడిన పదార్థాలన్నీ ఆరోగ్యానికి మేలుచేసేవే.