అల్లం నిల్వ పచ్చడి

Snacks

oi-Saraswathi N

By Sindhu

Published: Friday, April 16, 2010, 15:29 [IST]

కావలసిన పదార్ధాలు:
అల్లం ముక్కలు: 100 grm
బెల్లం తురుము: 100 grm
చింతపండు: 100 grm
ఎండుమిర్చి: 10
ఉప్పు: రుచికి సరిపడ
నూనె: తగినంత
మెంతులు: 1tsp
ధనియాలు: 2tsp
జీలకర్ర: 1tsp
ఆవాలు: 1tsp
కరివేపాకు: 2 రెమ్మలు
వెల్లుల్లి: 10 రెబ్బలు

తయారు చేయు విధానము:
1. పాన్ లో కొద్దిగా నూనె వేసి వేడయ్యాక అల్లం ముక్కలను 5 నిమిషాలు వేయించాలి. తర్వాత చల్లారనివ్వాలి.
2. వేడినీళ్లలో చింతపండు నానబెట్టి చల్లారాక గుజ్జు తీసి ప్రక్కన పెట్టుకోవాలి.
3. అదే పాన్ లో రెండు టీసూన్ల ఆయిల్ వేసి మెంతులు, ధనియాలు, జీలకర్ర, ఎండుమిర్చి వేసి మరో మూడు నిమిషాలు వేగనివ్వాలి. చల్లారాక వీటిని పొడి చేసి పెట్టుకోవాలి.
4. చల్లారిన అల్లం ముక్కలను గ్రైండ్ చేసుకుని, చింతపండు గుజ్జు, బెల్లం తరుగు, ఉప్పు వేసి మెత్తగా పేస్ట్ చేయాలి. దీంట్లో గ్రైండ్ చేసి పెట్టుకొన్న పౌడర్ ను కలపాలి.
5. పాన్ లో కొద్ది ఆయిల్ వేసి వేడయ్యాక ఆవాలు, కరివేపాకు, చిదిమిన వెల్లుల్లి రెబ్బలు వేసి వేయించాలి. ఈ పోపును పేస్ట్ చేసిన అల్లం పచ్చడిలో కలపాలి. అంతే అల్లం పచ్చడి రెడీ.
దీనిని గాలి చొరబడని బాటిల్ లో పెట్టి నిల్వచేసుకోవచ్చు. ఈ పచ్చడి దోసె, ఇడ్లీ, అన్నంలోకి మంచి కాంబినేషన్ అవుతుంది.