వేరుశెనగ పప్పు చిక్కిలు

Snacks

oi-Saraswathi N

By Sindhu

Published: Monday, July 26, 2010, 16:01 [IST]

వేరుసెనగపప్పు లేదా పల్లీలు - 1/2kg
బెల్లం: 1/2kg(తురుముకోవాలి)
గుల్ల సెనగపప్పు లేదా పుట్నాలు: 1/4kg
యాలకులు: 4
నీరు: కొద్దిగా

తయారు చేయు విధానం:
1. ముందుగా గ్యాసు మీద ఒక పాన్ పెట్టి వేరుసెనగపప్పుని దోరగా వేయించుకోవాలి. చల్లారాక పొట్టు తీసి పక్కన పెట్టుకోవాలి.
2. ఇప్పుడు ఒక మందంగా ఉన్న గిన్నె గాని తీసుకొని అందులో తురిమిన బెల్లం వేసి బెల్లం మునిగేదాక నీరు పోసి గ్యాస్ మీద పెట్టి ముదురు పాకం పట్టుకోవాలి.
3. ఒక ప్లేట్ లో కొంచెం నీరు పోసి బెల్లం పాకం అవుతుండగా కొంచెం తీసి నీళ్ళలో వేసి అది ఉండ అవుతుంటే ముదురు పాకం వచ్చినట్టే.
4. పాకం వచ్చాక అందులో వేయించి పొట్టు తీసి పెట్టుకున్న పల్లీలు , పుట్నాలు వేసి బాగా కలపాలి.
5. ఇప్పుడు ఒక ప్లేట్ తీసుకొని గిన్నెలో ఉన్న మిశ్రమాన్ని ప్లేట్ లోకి పోసి ప్లేట్ అంతా సమానంగా పరచాలి. చల్లారాక ముక్కలుగా కట్ చేసి డబ్బాలో పెట్టుకోవాలి.