హెల్తీ బ్రేక్ ఫాస్ట్ పొటాటో ఎగ్ ఆమ్లెట్

Published: Thursday, September 13, 2012, 9:26 [IST]

మన ఇళ్లలో చాలా మంది బంగాళదుంప 'ఆరోగ్యానికి' మంచిది కాదని చెబుతుంటారు, కాని స్వచ్ఛమైన బంగాళదుంపలు అత్యధిక కార్బొహైడ్రేట్లను కలిగి ఆరోగ్యానికి మంచి చేకూరుస్తాయి. గుడ్డు తింటే ఆరోగ్యానికి మంచిది. కోడి గుడ్డులో ప్రోటీన్లు తెల్ల సోనలో ఉంటా యి. పచ్చసోనలో విటమిన్లు,మినరల్స్, కార్బోహైడ్రేట్స్, ఫ్యాట్ ఉంటాయి. కాబట్టి ఈ రెండింటి మిశ్రమంతో తయారు చేసుకొనే ఆమ్లెట్ ను ఉదయం బ్రేక్ ఫాస్ట్ లో చేర్చుకోవడం ఆరోగ్యానికి చాలా మంచిది. గుడ్డులోని విటమిన్లు త్వరగా ఆకలి కానివ్వదు. ఈ అల్పాహారాన్ని పిల్లలకు కూడా ఇస్తే వారికి షార్ప్ గా ఉండేలా చేస్తుంది. దీన్ని లంచ్ బాక్స్ తో సర్వ్ చేస్తే పిల్లలు చాలా ఇష్టంగా తింటారు.

పొటాటో ఎగ్ ఆమ్లెట్
కావలసిన పదార్థాలు:
ఉడికించి మెత్తగా చేసిన బంగాళదుంపలు: 2cup
కోడిగుడ్లు: 2
నూనె: సరిపడా
ఉప్పు : రుచికి తగినంత
కొత్తిమీర తురుము: 1/2cup
వేరుశెనగపొడి : 1/2cup
పచ్చిమిర్చి ముద్ద: 1tsp
వెల్లుల్లి,అల్లం ముద్ద : 1tsp
కారం : 1tsp
జీలకర్ర పొడి: 1tsp
మిరియాల పొడి: 1/2tsp
కేసరి రంగు: చిటికెడు

తయారు చేయు విధానం:
1. ముందుగా ఒక మిక్సింగ్ బౌల్ తీసుకొని అందులో ముద్దగా చేసిన బంగాళాదుంపల్ని వేసి అందులో కోడిగుడ్డు సోన, కొత్తిమీర తురుము, వేరుశెనగ పొడి, పచ్చి మిర్చి ముద్ద, అల్లం ముద్ద, కారం, జీలకర్ర పొడి, మిరియాల పొడి, కేసరి రంగు వేసి స్పూన్ తో బాగా గిలకొట్టాలి.
2. తర్వాత స్టౌ మీద ఓ పాన్ పెట్టి కొద్దిగా నూనె వేసి గిలకొట్టిన కోడిగుడ్డు మిశ్రమాన్ని ఆమ్లెట్ లా వేసి మూతపెట్టాలి.
3. దీన్ని సన్న సెగ మీద మగ్గనిస్తూ కాల్చాలి. ఓ వైపు కాలిన తరువాత మరోవైపు కూడా కాల్చి తీయాలి. దీన్ని చాకుతో ముక్కలుగా కోస్తి సర్వ్ చేయాలి. పిల్లలు ఎంతో ఇష్టంగా తినంటారు. మార్నింగ్ ఇటువంటి అల్పాహారాన్ని ఇవ్వడంతో శరీరానికి కావాలసిన శక్తిని అందిస్తుంది. పెద్దలు కూడాతినొచ్చు.