హాట్ సమ్మర్....కూల్ లెమన్‌ స్క్యాష్‌

Published: Friday, April 27, 2012, 18:27 [IST]

వేసవి అంటే చెమటలే. ఒంట్లోని సిట్రిక్ బయటికెళ్లిపోకుండా పోషక విలువలు అడ్డుకుంటాయి. విటమిన్ సి పుష్కలంగా ఉంటుంది. నిమ్మ రోగధక శక్తినిస్తుంది. ఎండ వేడిమి నుంచి చర్మాన్ని రక్షిస్తుంది. ఆకలిని పెంచి, జీర్ణశక్తిని ప్రసాదిస్తుంది. శరీరంలోని చెడును తొలగిస్తుంది. పానీయంగానూ ఆస్వాదించవచ్చు. నిమ్మ ఆరోగ్య ప్రదాయని. 100 గ్రాముల నిమ్మపండు నుంచి 40 కేలరీల శక్తి లభిస్తుంది. నిమ్మలోని పోషక విలువలు మెదడు చురుకుగా పనిచేయడానికి, దంతాలు ఎముకలు పటిష్టంగా పని చేయడానికి ఎంతగానో సహకరిస్తాయి. రోజూ నాలుగుసార్లు నిమ్మరసం తాగితే పచ్చ కామెర్ల వ్యాధి తగ్గుముఖం పడుతుంది. వేడి నీటిలో నిమ్మరసం పిండి తాగినట్టయితే ఉబ్బసం నుంచి ఉపశమనం లభిస్తుంది. జీర్ణక్రియ లోపాలకు నిమ్మ మంచి ఔషధం. సుగుణాల రాశి నిమ్మను ఆహారంలో భాగం చేసుకోవడం మరవకండి.

కావలసిన పదార్థాలు:
నిమ్మకాయలు: 4-6
సిట్రిక్‌ యాసిడ్‌: 1tsp(నిమ్మ ఉప్పు)
పొటాషియం మెటాబైసల్ఫేట్‌: 1/4tsp
పంచదార: 5cups
నీరు: 6cups

తయారు చేసే విధానం:
1. ముందుగా నిమ్మకాయలు తరిగి రసం తీయాలి.
2. తరువాత నీళ్ళలో పంచదార కలిపి, సిట్రిక్‌ యాసిడ్‌ కలిపి సన్నని సెగపై వేడి చేయాలి. తీగ పాకం వచ్చిన తరువాత దించి నిమ్మకాయ రసం కలపాలి.
3. ఇప్పుడు పొటాషియం మెటాబైసల్ఫేట్‌ని కొంచెం వేడి నీళ్ళలో కలిపి సిరప్‌ లో కలపాలి. పొడిగా ఉన్న గాజు సీసాలో పోసి గట్టిగా మూతపెట్టి పొడిగా ఉన్న ప్రదేశాలలో నిల్వవుంచుకోవాలి.
4. వారం తరువాత కాలరీస్ ఉన్న షోడాతో కలిపి సర్వ్‌ చేయాలి. అంతే లెమన్ స్క్యాష్ రెడీ..