కాజు హల్వా: బక్రీద్ స్పెషల్

ముస్లింలు జరుపుకునే ముఖ్యమైన పండుగల్లో రంజాన్ పండుగ మైదటిదైతే..బక్రీద్ రెండవదిగా నిలిచింది. ముస్లింలు బక్రీద్‌ను ఖుర్భాని పండుగ అని కూడా అంటారు. బక్రీద్ పండుగ రోజు ముస్లిం పవిత్ర స్థలమైన మక్కాలో హజ్ యాత్ర జరుగుతుంది. ముస్లిం సోదరులు జరుపుకునే ముఖ్యమైన పండుగల్లో రంజాన్ పండుగ మైదటిదైతే..బక్రీద్ రెండవదిగా నిలిచింది. ఈద్‌గాలో నమాజు ముగుస్తుంది. అందరినీ చల్లగా చూడమని కోరే దువా ముగుస్తుంది. ఆ తర్వాత ఈద్ ముబారక్ చెప్పుకునే అలాయి బలాయి ముగుస్తుంది.

ఆ తర్వాత..? ఇంకేముంది... విందులూ వినోదాలే. స్నేహితులు, బంధువులు, ఆత్మీయులు, అయినవాళ్లు... అందరూ కలిసి దావత్‌లో కూచుంటారు. మతాలు మర్చిపోయే క్షణాల్లో అందరూ ఆత్మీయులైపోతారు. మటన్, చికెన్, రోటీ, సేమ్యా, స్వీట్స్,... ఘుమఘుమలాడే పదార్థాల మధ్య మాటలు నంజుకుంటారు. నవ్వులు పంచుకుంటారు. పండుగలు ఉండాలి. ఒకరి పండుగలో మరొకరి లోగిలి కళకళలాడాలి. ఈ బహార్ కోసమే ఒక ప్రత్యేకమైన స్వీట్ రిసిపి మీకోసం...

కావల్సిన పదార్థాలు:

కాజు(జీడిపప్పు): 250grms(సన్నగా తరగాలి)
పాలు: 1ltr
పంచదార: 3-4tbsp
నెయ్యి లేదా బట్టర్: 2tbsp
కుంకుమపువ్వు:కొద్దిగా

తయారుచేయు విధానం:

1. ముందుగా పాన్ లో కొద్దిగా నెయ్యి వేసి బ్రౌన్ కలర్ వచ్చే వరకూ వేగించుకొని తీసి పక్కన పెట్టి చల్లారనివ్వాలి.
2. అంతలోపు పాలను గిన్నెలో పోసి, తక్కువ మంట మీద వేడిచేసుకోవాలి.
3. పాలు మరిగి పొంగు రాగానే, అందులో పంచదార వేసి 2-3నిముషాలు బాగా మిక్స్ చేస్తూ మరిగించాలి. అంతలోపు చల్లారిన జీడిపప్పును మిక్సిలో వేసి మొత్తగా పౌడర్ చేసుకోవాలి.
4. తర్వాత అందులో కుంకుమ పువ్వు వేసి కొన్ని నిముషాలు బాగా మిక్స్ చేయడం వల్ల ఒక డిఫరెంట్ కలర్ వస్తుంది.
5. ఇప్పుడు మిక్సీలో గ్రైండ్ చేసుకొన్న జీడిపప్పు పౌడర్ ను అందలో వేసి, మరో 5 నిముషాలు నిధానంగా మిక్స్ చేస్తుండాలి.
6. తక్కువ మంట మీద పాలు-జీడిపప్పు మిశ్రమాన్ని బాగా ఉడికించడం వల్ల హల్వా చిక్కగా మారుతుంది. అంతే కాజు హల్వా రెడీ.