‘బందరు లడ్డూ’ కాదు... ‘మోతిచర్ లడ్డూ’..!!

Published: Tuesday, August 30, 2011, 11:52 [IST]

"ఊరికే మన మనసులో మాట, హాట్ కావాలా.., స్వీట్ కావాలా అని ఎవరైనా అడిగితే మీరు ఏం కోరుకుంటారు చెప్పండి. మనసులో స్వీట్ తినాలనిపించినా చాలా మంది ప్రత్యేక గుర్తింపు కోసం 'హాట్ నే' ఎంచుకుంటారు. లోలోపల మాత్రం స్వీట్ పైనే మనసు లాగుతుంటుంది. ప్రతిసారి ఇలా స్వీట్ తినే ఛాన్స్ మిస్సువుతున్నామని ఫీల్ అవకండి. ఇంట్లో కూర్చుని చిటికలో స్వీట్ తయారుచేసిన మొహం మొత్తేంత వరకు ఆరగించండి.''

ఇప్పటి వరకు మీరు బందరు లడ్డూ, బెజవాడ లడ్డూ, తిరుపతి లడ్డూ ఇలా రకరకాల లడ్డూలను రుచి చూసుంటారు. అయితే ఈ రోజు మీరు రుచిచూడబోతున్న లడ్డూ పేరు 'మోతిచర్ లడ్డూ', మనసుదోచే భారతీయ తియ్యిని వంటకాల్లో స్థానం దక్కించుకున్న ఈ స్వీట్ వంటకాన్ని నిమిషాల్లో తయారు చేసుకోవచ్చు...

తయారీకి కావల్సిన పదార్థాలు:

- శెనగపిండి 2 ' కప్పులు
- పాలు ' లీటరు
- యాలుకల పొడి ' టీస్పూన్
- నెయ్యి మూడు కప్పులు
- పిస్తా, బాదాం పప్పులు అలంకరణకు సరిపడా

పాకానికి:
- పంచదార 2 ' కప్పులు
- నీరు 3 ' కప్పులు
- నెయ్యి 3 కప్పులు

బూందీ తయారు చేసుకునే విధానం:

- బాండీలో పంచదారలో పాటు నీటిని వేసి పంచదార పాకంగా మారేంత వరకు ఉడికించండి. ఈ పాకంలో పాలను కలిపి పొంగు వచ్చిన తరువాత యాలుకల పొడిని కలపండి. ఇలా తయారుకాబడ్డ పాకాన్ని ఓ పక్కన పెట్టుకోండి.

- సిద్ధంగా ఉంచుకున్న శెనగపిండిలో, పాలను కలిపి ' మిశ్రమాన్ని బూందీ చేసుకునేంత జీగటగా కలుపుకోండి'. పాన్ లో నెయ్యిను పోసి వేడిచేసుకోండి వేడెక్కిన నేతిలో శెనగపిండి మిశ్రమాన్ని బూందీ రూపంలో జారవిడవండి. బంగారం రంగు వచ్చేంత వరకు బూందీ పలుకులను వేయించండి.

- తయారైన బూందీ పలుకుల్లో తయారుచేసి సిద్ధంగా ఉంచుకున్న పాకాన్ని కలపుకోండి. ఈ మిశ్రమంలో కొద్దిగా వేడినీటిని కలిపి లడ్డూలుగా చుట్టుకోండి. ఇలా చుట్టుకున్న లడ్డూలను చల్లబడిన తరవాత తింటే ఆ రుచే వేరు.. పండుగ సందర్భాల్లోనూ ఈ వంటకాన్ని తయారు చేసుకుని దేవునికి నైవేద్యంగా పెట్టకోవచ్చు...