మష్రూమ్ బులెట్స్

మష్రూమ్: 250 గ్రాములు
బంగాళాదుంప: 2
పచ్చిమిరప: 6
కొత్తిమిర: ఒక కట్ట
నీరుల్లి: 2
వెల్లుల్లి: 2
చాట్ మసాలా: 1tbsp
కార్నఫ్లో: ఒక కప్పు
ఉప్పు: రుచికి సరిపడా
నూనె: 500గ్రాములు

తయారు చేయు విధానం:

ముందుగా మష్రూమ్ (పుట్టగొడుగుల) ని శుభ్రంగా నీటిలో కడిగి చిన్న చిన్న ముక్కలుగా కట్ చేసి పక్కన పెట్టుకోవాలి. తర్వాత నీరుల్లి, వెల్లుల్లి, కొత్తిమిర, పచ్చిమిరప కూడా శుభ్రంగా కడిగి కట్ చేసి పెట్టుకొవాలి. బంగాళాదుంపని శుభ్రంచేసి కొబ్బరి తురుముతో తురుముకొని పక్కన పెట్టాలి. అన్ని ఇలా సిద్ద చేసుకొన్న తర్వాత ఒక బౌల్ తీసుకొని అందులో మష్రూమ్ ముక్కలను, కొత్తిమిర, నీరుల్లి, వెల్లుల్లి, పచ్చిమిరప ముక్కలన్నింటి బౌల్ లో వేసి దానికి కొద్దిగా కార్నఫ్లో పౌడర్ ను, చాట్ మసాల, ఉప్పు జతచేసి కొద్దిగా నీటితో ముద్దలా తయారుచేసి పెట్టుకోవాలి. తర్వాత నూనెను ఒక పాన్లో తీసుకొని వేడి చేయాలి. నూనె బాగా కాగిన తర్వత ముద్దగా కలిపి పెట్టుకున్న మిశ్రమంలో నుండి కొద్ది కొద్దిగా తీసుకొని బులెట్ ఆకారంలో కార్నఫ్లోను జతచేస్తు చేతితో వత్తుకోవాలి. ఇలా తయారైన మష్రూమ్ బులెట్స్ ను కాగే నూనెలో వేసి రంగు మారే వరకూ వేయించి తీస్తే సరి మష్రూమ్ బులెట్స్ రెడీ. వేడి వేడి గా వండించండి చాలా రుచిగా వుంటాయి.