ఆరెంజ్ మాంక్టైల్

Published: Friday, June 22, 2012, 18:54 [IST]

ప్రతి రోజూ చక్కగా తినేసి జీర్ణం చేసుకోగల ఫలం కమలాఫలం. ఆరెంజ్ రంగులు చూడగానే తినేయాలని... జ్యూస్ తాగేయాలని అనిపించే పండు కమలాపండు. నారింజ పండ్లు చలికాలంలో ఎక్కువగా దొరుకుతుంటాయి. ఆరోగ్యాన్ని, అందాన్ని పెంచే సుగుణాలను తనలో నింపుకున్న నారింజను ఇంగ్లీషులో ఆరెంజ్ పిలుస్తుంటారు. నారింజ పండు కఫం, వాతం, అజీర్ణాలను హరిస్తుంది. శరీరానికి బలం, తేజస్సు కలిగిస్తుంది. నారింజలో సోడియం, పొటాషియం, కాల్షియం, మెగ్నీషియం, రాగి గంధకం, క్లోరిన్‌లు కూడా ఉన్నాయి. జ్వరాల బారిన పడి జీర్ణశక్తి తగ్గినప్పుడు... నారింజను వాడితే అజీర్ణ సమస్యల నుండి బయటపడవచ్చు.

రోజూ పరగడుపున ఒక గ్లాస్ నారింజ జ్యూస్ తాగితే, మార్నింగ్ సిక్‌నెస్‌నుండి సులభంగా బయటపడవచ్చు. గర్భవతులు రోజూ ఒక గ్లాస్ నారింజ జ్యూస్ తాగినట్లయితే.. ఫోలిక్‌యాసిడ్ సంప్లిమెంట్ తీసుకోవాల్సిన అవసరం ఉండదు. నారింజ తొక్కను పడేయకుండా... ఎండబెట్టి, పొడి చేసి, సున్నిపిండిలో కలుపుకుంటే మంచిది. ఈ పిండిని స్నానానికి ముందు ఒంటికి రాసుకుని రబ్ చేస్తే... చర్మంపై ఉండే మృతకణాలన్నీ సులభంగా తొలగిపోతాయి. చర్మం మృదువుగా అవటమే కాకుండా, కొత్త మెరుపును సంతరించుకుంటుంది. యుక్తవయస్సులో ఆడపిల్లల ముఖంపై ఏర్పడే మొటిమలను తగ్గించి చర్మాన్ని కాంతివంతంగా తయారు చేయడంలో కమలా రసం బాగా ఉపయోగకారి. తరచూ జలుబు చేసేవారిలో రోగనిరోధక శక్తి పెంచగలదు.

కావల్సిన పదార్థాలు:
ఫ్రెష్ ఆరెంజ్ జ్యూస్: 1cup(3ఆరెంజ్)
లెమన్ సోడా((స్పైట్): 1/2cup
నీళ్ళు: 1/4cup
పంచదార: 1tsp
ఐస్ ముక్కలు: తగినన్ని

తయారు చేయు విధానం
1. ముందుగా మార్కెట్ నుండి తీసుకొచ్చిన ఆరెంజ్ పండ్లను బాగా నీళ్ళతో కడిగి శుభ్రం చేయాలి. తర్వాత పొడి వస్త్రంతో తుడిచి తేమ ఆరిన తర్వాత వాటిని రెండు బాగాలుగా కట్ చేసుకోవాలి.
2. ఇప్పుడు వీటి నుండి జ్యూస్ తీసుకోవాలి. జ్యూస్ ను పిండుకొన్న తర్వాత టీ ఫిల్టర్ లో వడగట్టుకోవాలి.
3. తర్వాత నీళ్ళు, తగినంత పంచదార, సోడా వేసి బాగా మిక్స్ చేసుకోవాలి. ఈ జ్యూస్ ను అరగంట పాటు ఫ్రిజ్ లో పెట్టాలి.
4. అరగంట తర్వాత జ్యూస్ ను బయటకు తీసి సర్వింగ్ గ్లాస్ లో పోసి అందులో తగినన్ని ఐస్ ముక్కలు కలుపుకొని, గ్లాస్ కు లెమన్ స్లైస్ అమర్చి సర్వ్ చేయాలి. అంతే ఆరెంజ్ మాక్టైల్ రెడీ...

Comments

Story first published: Friday, June 22, 2012, 18:54 [IST]

Other articles published on Jun 22, 2012

Latest Updates

Orange Mocktail | ఆరెంజ్ మాంక్టైల్