సంక్రాతి స్పెషల్ గోబి గొబ్బిళ్లు

కాలీఫ్లవర్ : 1
బంగాళాదుంపలు : 1/2 kg
అల్లం వెల్లుల్లి : 1tsp
ఉల్లిపాయలు : 2
పచ్చిమిర్చి : 10
మిరియాల పొడి : 1 tsp
నిమ్మకాయ : 1
ఉప్పు : రుచికి సరిపడా
కొత్తమిర : ఒక కట్ట
ఆయిల్ : వేయించడానికి సరిపడా
బ్రెడ్ ముక్కలు : 150 grm
సెనగపిండి : 100 grm

తయారు చేసే విధానము:

1. కాలీఫ్లవర్ సన్నని ముక్కలుగా కోసి కొంచెం ఉప్పువేసి ఉడికించి నీరు వంపేయాలి.
2. బంగాళాదుంపల్ని ముక్కలుగా కోసి ఉడికించి మెత్తగా మెదపాలి.
3. ఓ గిన్కెలో కొద్ది గా ఆయిల్ వేసి ఉల్లిపాయలు వేయించాలి. తర్వాత పచ్చిమిర్చి ముక్కలు, అల్లం వెల్లుల్లి వేసి వేగాక, కాలీఫ్లవర్, బంగాళాదుంపముక్కలు కూడా వేసి తగినంత ఉప్పు, కొత్తిమీర, మిరియాల పొడి, నిమ్మరసం కలిపి ముద్దలు చేసి ఉంచాలి.
4. సెనగపిండి లో నీళ్ళు పోసి బజ్జీపిండిలా కలపాలి. ఒక్కో ముద్దునూ పిండిలో ముంచి బ్రెడ్ పొడిలో దొర్లించాలి. వీటిని పిరమిడ్ ఆకారంలో నొక్కి నూనెలో వేయించి తీయాలి.
5. అంతే చిన్న కాలీఫ్లవర్ తో అలంకరించి స్నాక్స్ లా అందించండి.