స్పైసీ వెజిటబుల్ కబాబ్-క్యాప్సికమ్ గార్నిషింగ్

Snacks

oi-Saraswathi

By Sindhu

Published: Saturday, June 30, 2012, 14:41 [IST]

ఆలూ ఇష్టమైన వారికి ఇది ఒక ప్రీతికరమైన వంట. వెజిటేబుల్ కబాబ్ స్పైసీ స్నాక్. ఇది చేయడం చాలా సులభం. ఆయా సీజన్(కాలంలో) దొరికేటటువంటి వెజిటేబుల్స్ తో తయారు చేసుకొని ఈ ఈవినింగ్ స్నాక్ చాలా రుచికరమైనది. ఇది వెరైటీగాను పూర్తి పోషకాలతోనూ వండే ఈ రుచికరమైన వంటకాన్ని పిల్లలు, పెద్దలు చాలా ఇష్టంగా తింటారు. కాబట్టి మీరూ ఒక సారి ప్రయత్నించి చూడండి.

కావలసిన పదార్థాలు:
బంగాళాదుంపలు: 2
పనీర్: 50grm
క్యాబేజీ: 2tbsp
కాలీఫ్లవర్: 1/4cup
క్యాప్సికమ్: 1
టమోటో: 1
ఉల్లిపాయ: 1
పచ్చిమిర్చి: 2
కొత్తమీర: 1కట్ట
మైదా: 1cup
ఉప్పు: రుచికి తగినంత
కారం: 1tsp
నూనె: వేయించడానికి సరిపడా
నెయ్యి: 1tbsp

తయారు చేయు విధానం:
1. ముందుగా బంగాళదుంపలను శుభ్రంగా కడిగి ఉడికించుకోవాలి. చల్లారక పొట్టు తీసి తరిగి పక్కన పెట్టుకోవాలి.
2. తర్వాత కాలీప్లవర్ పువ్వులను విడదీసుకొని పక్కన పెట్టుకోవాలి.
3. క్యాబేజీ, కొత్తిమీర, పచ్చిమిర్చిని సన్నగా తరిగి ఉంచుకోవాలి.
4. ఇప్పుడు పాన్ లో కొంచెం నూనె వేసి స్టౌమీద పెట్టి వేడయ్యాక, అందులో క్యాబేజీ, కాలీఫ్లవర్ తురుము వేయాలి.
5. కాలీఫ్లవర్, క్యాబేజీ వేగిన తర్వాత పనీర్ తురుము, బంగాళదుంప, పచ్చిమిర్చి ముక్కలు, ఉప్పు చేర్చి తక్కువ మంట మీద ఉంచాలి.
6. పై పదార్థాలన్ని మగ్గి మెత్తగా అయ్యాక స్టౌ ఆఫ్ చేసి, చల్లారిన తర్వాత ఈ కూరను చిన్న చిన్న ఉండలుగా చేసి పక్కన పెట్టుకోవాలి.
7. ఇప్పుడు మైదా పిండిలో ఉప్పు, కారం, నెయ్యి వేసి కొద్దిగా నీళ్లు పోసి గరిటె జారుగా కలుపుకోవాలి.
8. తర్వాత స్టౌ మీద పాన్ పెట్టి నూనె వేసి, వేడయ్యాక ముందుగా సిద్దం చేసుకొన్ని ఉండల్ని మైదా మిశ్రమంలో ముంచి కాగే నూనెలో వేయాలి. ఇవి బ్రౌన్ కలర్ వచ్చాక ప్లేట్ లోని తీసుకవాలి.
9. ఇప్పుడు వీటికి ఉల్లిపాయను, టమోటోను, క్యాప్సికమ్ ను చక్రాలుగా కట్ చేసి గార్నిష్ చేసి పర్వ్ చేయాలి. అంతే వెజిటేబుల్ కబాబ్ రెడీ.