స్టఫ్డ్ టమోటో బోండా..

తయారు చేయు విధానము:
1. బంగాళదుంపలు ఉడికించి తొక్కతీసి పొడిపొడిగా మెదిపి గిన్నెలో వేసుకోవాలి. ఇందులో తగినంత ఉప్పు, సన్నగా తరిగిన పచ్చిమిర్చి , కొత్తిమిర వేసి కలిపి పెట్టుకోవాలి.
2. తర్వాత గట్టిగా ఉన్న టమాటాలకు పైన కొద్దిగా కట్ చేసి లోపలి గుజ్జంతా తీసేయాలి.
3. ఇప్పుడు అందులోకి ఉడికించిన బంగాళదుంప మిశ్రమం కూరి మూత పెట్టేసి టూత్ పిక్ తో విడిపోకుండా గుచ్చాలి.
4. తర్వాత సెనగపిండిలో కారం పొడి, ధనియాలపొడి, ఉప్పు, వంటసోడా వేసి కలిపి తగిన నీళ్లు పోసి బజ్జీల పిండిలా కలుపి పెట్టుకోవాలి.
5. పాన్ లో నూనె వేసి వేడయ్యాక టమాటాలను సెనగపిండి మిశ్రమంలో మొత్తం పిండి అంటుకునేలా ముంచి వేడినూనెలో వేసి, అన్నివైపులా బంగారురంగు వచ్చేవరకు వేయించి తీయాలి.
6. ఇలి వేగిన టమోటో బొండాలను కొద్దిగా చల్లారనివ్వాలి. జాగ్రత్తగా ఒక్కో బోండాను సగంలోకి కట్ చేసి కొత్తిమీర చల్లి సర్వ్ చేయాలి. అంతే టమోటో బోండా రెడీ.