పిల్లలకే కాదు పెద్దలకూ ఇష్టమే యాపిల్ బర్ఫీ

Published: Thursday, May 3, 2012, 12:52 [IST]

బర్ఫీ అనగానే సాధారణంగా కోకనట్, ఖర్జూరం బర్ఫీ, కాజు బర్ఫీ, చాక్లెట్ బర్ఫీ, మ్యాంగో బర్ఫీ, ఇలా రకరకాల బర్ఫీలు ఎక్కువగా చేస్తుంటాం. అయితే కొంచె వెరైటీగా యాపిల్ తురుము, కోవా కలపి చేసే ఈ బర్ఫీ డిఫెరెంట్ టేస్ట్ తో పిల్లలకి చాలా నచ్చుతుంది. తీపి పదార్థలంటే మీ పిల్లలకు చాలా ఇష్టమా? అయితే ఎన్నో పోషకాలుండే యాపిల్ పండుతో బర్ఫీ చేయడం ఎలాగో చూడండి. పండ్లతో ఆరోగ్యకరమైన తీపి వంటకాన్ని తయారుచేసి ఇంటిల్లిపాది నోటినీ తీపిచేద్దామా....!

కావలసిన పదార్థాలు:
సన్నగా తరిగిన యాపిల్ ముక్కలు: 2cups
పంచదార: 1cup
కోవా: 100grms
నీళ్లు: 1cup
పిస్తా, బాదంపప్పు: 1tsp
ఫుడ్ కలర్(పసుపు లేదా ఎరుపు): 1/4tsp

తయారు చేయు విధానం:
1. ముందుగా నాన్ స్టిక్ పాన్ లో నీళ్లు పోసి అందులో పంచదార వేసి సన్నని మంట మీద వేడిచేయ్యాలి. 2. ఇప్పుడు పంచదార కరిగిన తర్వాత యాపిల్ తరుగు, ఫుడ్ కలర్ వేసి కలపాలి. రెండు నిమిషాల తర్వాత యాపిల్ తురుము పాకంలో కలిసిపోతుంది.
3. యాపిల్ పాకం దగ్గర పడుతున్నప్పుడు అందులో కోవా కలిపితే మిశ్రమం చిక్కబడుతుంది. దీన్ని ఒక ప్లేట్ లోకి వంపి సమానంగా సర్ధలి. ఆరిన తర్వాత ఇష్టం వచ్చిన ఆకారంలో ముక్కలుగా కోసుకోవాలి. వాటిపై బాదం, పిస్తా ముక్కలు అలంకరించి సర్వ్ చేయ్యాలి.