వెరైటీ వెజ్ నూడుల్స్-టమోటో సాస్

Published: Wednesday, March 28, 2012, 13:34 [IST]

కావల్సిన పదార్థాలు:
రెడీమేడ్ నూడుల్స్: 1packet
పచ్చిబఠాణీ: 1/2cup(ఉడికించినవి)
బంగాళాదుంప: 2(ఉడికించినవి)
కాలీఫ్లవర్, క్యారెట్ తరుగు: 1/4 cup
ఉల్లిపాయ: 1
వెల్లుల్లి రెబ్బలు: 2-4
అల్లం: చిన్నముక్క
పచ్చిమిర్చి: 2-4
టమాటా ముక్కలు: 1/4cup
ఉప్పు: రుచికి తగినంత
టమోటో సాస్: 2tbsp
సోయాసాస్: 2tbsp

తయారు చేసే విధానం:
1. మొదటగా స్టౌ మీద చిన్న గిన్నెలో నీళ్ళు పోసి అందులో ఉప్పు వేసి అందులో నూడుల్స్ లను ఉడికించాలి. అర్దం ఉడికిన తర్వాత నీళ్ళు వడగట్టి నూడుల్స్ పకక్కన తీసి పెట్టుకోవాలి.
2. తర్వాత పాన్ లో నూనె వేసి వేడి అయ్యాక అందులో ఉల్లిపాయలు, అల్లం, వెల్లుల్లి, పచ్చిమిర్చి, వేసి దోరగా వేయించాలి. కొద్ది సేపటి తర్వాత టమాటా ముక్కలు కూడా వేసి వేయించాలి.
3. ఇప్పడు టామోటాలు ముక్కలు ఉడికిన తర్వాత కూరగాయముక్కలన్నీ వేసి ఉప్పు కూడా వేసి మూతపెట్టాలి. అవి వేగిన తర్వాత నూడుల్స్ వేసి వేయించాలి.
4. చివరగా ఒక టీస్పూన్ సోయాసాస్ కూడా వేసి వేయించి టమాట్ సాస్ తో వేడివేడిగా సర్వ్ చేయాలి. అంతే వెరైటీ వెజ్ నూడిల్స్ రెడీ...