వెజిటబుల్ పిన్ వీల్స్

Snacks

oi-Saraswathi N

By Sindhu

Published: Monday, January 31, 2011, 13:45 [IST]

కావల్సిన పదార్థాలు:
బ్రెడ్ స్లైస్: 6
బఠానీలు: 50grms
బంగాళదుంపలు: 50grms
ఉల్లిపాయలు: 1
పచ్చిమిర్చి:2
పసుపు: చిటికెడు
వెన్న:100grms
కొత్తిమీర:ఒక కట్ట
ఉప్పు: రుచికి సరిపడా

తయారు చేయు విధానం:
1 . ఒక గిన్నెలో కొంచెం వెన్న వేడి చేసి అందులో సన్నగా తరిగిన ఉల్లిపాయముక్కల్ని వేయించాక పచ్చిమిర్చి ముక్కల్ని కూడా వేసి ఫ్రై చేయండి.
2. ఆ తరువాత ఉడికించి, మెత్తగా చేసిన బంగాళాదుంపల గుజ్జును వేసి కలియబెడుతూ,ఉడికించిన బఠానీలు కూడా కలిపి,దానికి కొంచెం పసుపు,కొత్తిమీర, తగినంత ఉప్పు కలిపి కూరను తయారు చేయండి.
3. తరువాత ఒక్కో బ్రెడ్ స్లయిస్ కు పక్క బాగాలు కోసి వాటి పైన తయారు చేసిన ఆలు కూరను పూసి బ్రెడ్ స్లయిస్ ను ఒక సైడ్ నుండి చాపలా చుట్టండి.ఇలా చుట్టిన బ్రెడ్ రోల్ విడిపోకుండా ఎడం ఎడంగా రెండు టూత్ పిక్స్ గుచ్చండి. ఆ తరువాత పుల్లకు పుల్లకు మద్య గా చాకు తో కొస్తే ఒక్కో చుట్ట రెండు ముక్కలుగా అవుతుంది.
4. ఇప్పుడు పెనం మీద వెన్న వేసి, స్టౌ మీద పెట్టి సన్నని మంట మీద బ్రెడ్ రోల్ల్స్ ను రెండువైపులా ఎర్రగా ఫ్రై చేసి, టమోటా సాస్ మంచి కాంబినేషన్.