కృష్ణుణికి అత్యంత ప్రీతికరమై స్వీట్ - వెన్న ఉండలు

Published: Thursday, August 9, 2012, 12:14 [IST]

ఈ రోజు శ్రీ కృష్ణాష్టామిని దేశవ్యాప్తంగా భక్తిశ్రద్ధలతో జరుపుకుంటారు. చిన్ని కృష్ణున్ని తమ ఇళ్లకు ఆహ్వానిస్తూ పడతులు కృష్ణ పాదాలు వేస్తారు. బాలకృష్ణుడు తమ ఇంట అడుగుపెడితే సకలశుభాలు కలుగుతాయని భావిస్తారు. ఉదయమంతా పూజాది కార్యక్రమాల్లో సాయంత్రం ఉట్టి కొడతారు. ఈ వేడుకల్లో యువతీయువకులు ఉత్సాహంగా పాల్గొంటారు. యువకులు ఉట్టి కొట్టేందుకు ప్రయత్నిస్తుండగా, యువతులు దాన్ని వారికి అందకుండా పైకి లాగుతారు. ఉట్టి కొట్టిన తర్వాత ప్రసాదాలు పంచుతారు. జన్మాష్టమి రోజున వెన్నదొంగను వశం చేసుకోవడానికి, ఆయన ప్రసాదమంటూ మనం ఆరగించడానికి కృష్ణుడిష్టపడే టేస్టుకు తగిన వెన్న ఉండలను నైవేద్యంగా పెట్టి ఆయన విషెస్ అందుకోండి.

కావలసినవి:
మైదా: 1cup
బియ్యప్పిండి : 1/4cup
వెన్న : 1cup
పంచదార: 1cup
ఉప్పు: చిటికెడు
వంటసోడా : చిటికెడు
నూనె : వేయించటానికి తగినంత
యాలకులు: 4

తయారు చేయు విధానం:
1. మైదాలో బియ్యప్పిండి, ఉప్పు, వెన్న, వంటసోడా వేని బాగా కలిపి తగినన్ని వేడినీళ్లు పోని మెత్తగా చపాతీపిండిలా కలుపుకోవాలి. గంటసేపు నాననివ్వాలి.
2. తర్వాత వాటిని చిన్న చిన్న ఉండలుగా తయారుచేసుకొని వేడినూనెలో తక్కువ మంటమీద బంగారు రంగు వచ్చే వరకు వేయించుకొని పక్కన పెట్టుకోవాలి.
3. అంతలోపు ఒక గిన్నెలో పంచదార తీసుకొని, మునిగే వరకు నీళ్ళు పోని ఉండపాకం వచ్చే వరకు పాకాన్ని ఉడికించాలి.
4. ఇప్పుడు ముందుగా వేయించిన ఉండలను పాకంలో వేని బాగా కలిపి చల్లారనివ్వాలి. రుచికరమైన తీపి వెన్న ఉండలు రెడీ