పిల్లలకు చాలా ఇష్టం : రోజ్ మిల్క్ షేక్

రోజ్ మిల్క్ షేక్ ఇండియాలో చాలా పాపుర్ డ్రింక్. రోజ్ మిల్క్ షేక్ ను పిల్లలు మాత్రమే కాదు పెద్దలు కూడా ఎంజాయ్ చేస్తుంటారు . రోజ్ మిల్క్ తయారుచేయడానికి అవసరం అయ్యే పదార్థాలు మార్కెట్లో అందుబాటులో ఉన్నాయి.

ఈ ఇండియన్ స్టైల్ రోజ్ మిల్క్ ను చల్లగా సర్వ్ చేస్తే చాలా టేస్ట్ గా ఉంటుంది. దీన్ని ఇంట్లో తయారుచేసుకోవడం కూడా చాలా సులభం . చాలా త్వరగా తయారుచేసుకోవచ్చు . మరి దీన్ని ఎలా తయారుచేయాలో చూద్దాం...

కావల్సిన పదార్థాలు:
పాలు: 2cups
వెనీల ఐస్ క్రీమ్: 2big scoops

సిరఫ్ కోసం:
పంచదార: 3/4cup (150grms)
నీళ్ళు: 100ml
రోజ్ మిల్క్ ఎసెన్స్: 1tbsp

తయారుచేయు విధానం:
1. ముందుగా ఒక చిన్న గిన్నెలో పంచదార వేసి స్టౌ మీద పెట్టి తగినన్ని నీళ్ళు పోయాలి.
2. మీడియం మంట మీద బాగా మరిగించాలి. పంచదార బాగా కరిగిపోయి, సిరప్ తయారయ్యే ప్పుడు అందులో రోజ్ మిల్క్ ఎసెన్స్ ను జోడించి బాగా మిక్స్ చేయాలి.
3. ఇప్పడు స్టౌ ఆఫ్ చేసి పూర్తిగా చల్లారనివ్వాలి. దీన్ని ఒక గ్లాసులో పోసి ఫ్రిజ్ లో స్టోర్ చేసి అవసరం అయినప్పుడు ఉపయోగించుకోవచ్చు.
4. ఇప్పుడు బ్లెండర్ లో పాలు పోసి , తర్వాత ఒక టేబుల్ స్పూస్ రోజ్ సిరఫ్ వేసి, దాంతో పాటు ఐస్ క్రీమ్ కూడా వేసి బ్లెడ్ చేయాలి. ఇలా చేయడం వల్ల స్మూతీ షేక్ తయారవుతుంది.
5. అంతే రోజ్ మిల్క్ షేక్ రెడీ. గ్లాసులో పోసి చల్లచల్లగా సర్వ్ చేయాలి.