వండర్ ఫుల్ టేస్ట్ - హెల్తీ ఫ్రూట్ పులావ్

బత్తాయి రసం: 1cup
గింజలు తీసిన ద్రాక్ష, దానిమ్మగింజలు, యాపిల్ ముక్కలు: 1/2cup
పైనాపిల్: 1/4cup
పచ్చిబఠాణి: 1/4cup
లవంగాలు: 4-6
దాల్చిన చెక్క: చిన్నది
బిర్యాని ఆకు: 1
గరం మసాలా
యాలకులు: 4
కుంకుమపువ్వు: కొద్దిగా
పాలు : 1/2cup
ఉల్లిపాయ ముక్కలు: 2cups
బాదం, పిస్త, జీడిపప్పు: 1cup
నెయ్యి: 1/2cup

తయారు చేయు విధానం:
1. ముందుగా బియ్యాన్ని శుభ్రంగా కడిగి నానబెట్టాలి.
2. తర్వాత మందగా ఉన్న గిన్నెను స్టౌ మీద పెట్టి అందులో బత్తాయి రసం, రెండున్నర కప్పు నీళ్ళు, పోసి అందులో బియ్యం వేసి ఉడికించాలి.
3. అంతలోపు మరో గిన్నె తీసుకొని స్టౌ మీద పెట్టి, అందులో నెయ్యి వేసి వేడయ్యాక ఉల్లిపాయ ముక్కలు, లవంగాలు, దాల్చిన చెక్క, బిర్యాని ఆకు, గరం మసాలా, పచ్చిబఠాణి, యాలకులు వేసి బాగా వేగాక ఉడుకుతున్న అన్నంలో కలపాలి. నీళ్ళు ఇమిరిపోయాక స్టౌ ఆఫ్ చేయాలి.
4. అలాగే నెయ్యిలో నట్స్ ను వేయించి వేయించి అందులో కలపాలి. వాటితో పాటు, పాలల్లో నానబెట్టుకొన్న కుంకుమపువ్వు, యాపిల్, పైనాపిల్, దానిమ్మ గింజలు ముక్కలు, ద్రాక్షనూ జోడించాలి. అంతే వేడి వేడిగా తింటే తియ్యతియ్యగా.. పుల్లపుల్లగా.. కారం కారంగా టేస్టీగా ఉంటుంది.