ఆలూ కోకనట్ కర్రీ: టేస్టీ మీల్ డిష్

Published: Monday, March 23, 2015, 13:37 [IST]

ఆలూ కోకనట్ కర్రీ చాలా టేస్టీగా ఉండే చాలా సింపుల్ రిసిపి, దీన్ని చాలా సులభంగా తయారుచేయవచ్చు. ఈ ఆలూ కోకనట్ యొక్క ప్రత్యేకత ఫ్రెష్ గా ఉన్న కొబ్బరి తురుము. కొబ్బరి తురము బంగాళదుంపలతో దీన్ని తయారుచేస్తారు.

ఆలూ వంటలంటే ఎక్కువగా ఇష్టపడే వారికోసం ఇలాంటి సింపుల్ వంటలు చాలా త్వరగా తయారుచేసుకొని, ఒక కొత్త రుచిని రుచి చూడవచ్చు. మరి మీరు కూడా ఈ వెరైటీ ఆలూ కోకనట్ కర్రీని టేస్ట్ చేయాలంటే ముందుగా ఈ డిష్ ఎలా తయారుచేయాలో చూద్దాం...

కావల్సిన పదార్థాలు:
బంగాళదుంప: 1/2kg
కొబ్బరి తురుము : 1cup
పచ్చిమిర్చి: 4(సన్నగా తరిగి పెట్టుకోవాలి)
ఉల్లిపాయలు: 2(సన్నగా తరిగి పెట్టుకోవాలి)
ఆవాలు: 1tsp
ఎండుమిర్చి: రెండు
వెల్లుల్లి రేకులు: 5
కారం: 1tsp
ఉప్పు: రుచికి తగినంత
నూనె: 2tbsp
పసుపు: చిటికెడు
కొత్తిమీర : కొద్దిగా
కరివేపాకు : రెండు రెమ్మలు
గరం మసాలా: 1/2tsp
అల్లం వెల్లుల్లి పేస్ట్: 1/2tsp

తయారుచేయు విధానం:

1. ముందుగా పై పొట్టు తొలగించి కావల్సిన సైజ్ లో ముక్కలుగా కట్ చేసుకోవాలి.
2. తర్వాత స్టౌ మీద పాన్ పెట్టి, అందులో నూనె వేసి వేడిఅయ్యాక అందులో జీలకర్ర, ఆవాలు, ఎండుమిర్చి, కరివేపాకు, వెల్లుల్లి, వేసి ఒక నిముషం ఫ్రై చేసుకోవాలి.
3. తర్వాత ఉల్లి, మిర్చి ముక్కలు వేసి వేగాక అల్లం, వెల్లుల్లి పేస్ట్ వేసి పచ్చివాసన పోయే వరకూ వేయించాలి. ఇప్పుడు బంగాళదుంప ముక్కలు వేసి మూత పెట్టాలి.
4. మద్యమద్యలో కలియబెడుతుంటే, బంగాళదుంప ముక్కలు నూనెలో మగ్గి మెత్తబడతాయి. ఇప్పుడు పసుపు, ఉప్పు, కారం వేసి కలిపి ఒక నిముషం ఆగి కొబ్బరి తురుము వేసి రెండు నిముషాలు కలపాలి.
5. కొబ్బరి తురుము, బంగాళదుంప ముక్కలు బాగా కలిసాక గరం మసాలా, కొత్తిమీర చల్లి మొత్తం మిశ్రామన్ని కలగలిపి స్టౌ ఆఫ్ చేసుకోవాలి. అంతే ఆలూ కోకనట్ కర్రీ రెడీ..

Comments

Story first published: Monday, March 23, 2015, 13:37 [IST]

Other articles published on Mar 23, 2015

Latest Updates

Aloo Coconut Curry: Tasty Meal Dish