కాలిప్లవర్ వేపుడు

లేత కాలిఫ్లవర్ : 500gms
ఉల్లిపాయలు: 2
పసుపు: 1/4tsp
కారం: 1tsp
పచ్చిమిరపకాయలు: 2
అల్లం, వెల్లుల్లి ముద్ద: 1tsp
కరివేపాకు: 2 రెబ్బలు
కొత్తిమిర: 1/4 కప్పు
గరం మసాలా పొడి: 1/4tsp
ఆవాలు : 1/4tsp
జీలకర్ర : 1/4tsp
లవంగాలు: 3
యాలకులు: 3
దాల్చిన చెక్క: చిన్న ముక్క
షాజీర : 1/2tsp
నూనె : 3tbsp
తయారు చేయు విధానము:

1. కాలిప్లవర్ ను చిన్న చిన్న ముక్కలుగా తరిగి కొద్దిగా ఉప్పువేసిన నీళ్లలో ఐదు నిముషాలు ఉడికించాలి. వాటిని ఒక జల్లెడలో వేసి నీరు వడుపుకోవాలి.
2. తర్వాత మందపాటి గిన్నెలో నూనె వేడి చేసి ఆవాలు, జీలకర్ర వేసి చిటపటలాడాక సన్నగా తరిగిన ఉల్లిపాయలు వేసి గోధుమరంగు వచ్చేవరకు వేయించాలి.
3. తర్వాత ఇందులో నిలువుగా కట్ చేసిన పచ్చిమిరపకాయలు, లవంగాలు, యాలకులు, దాల్చిన చెక్క, షాజిర, అల్లం వెల్లుల్లి పేస్ట్ వేసి మరి కొద్దిసేపు వేయించాలి.
4. తర్వాత పసుపు, కారం వేసి కలిపి కాలిఫ్లవర్ ముక్కలు, తగినంత ఉప్పు వేసి కలిపి మూత పెట్టాలి. ముక్కలు పూర్తిగా ఉడికేవరకు చిన్న మంటపై మగ్గనివ్వాలి. చివరలో గరం మసాలా పొడి, సన్నగా తరిగిన కొత్తిమిర కలిపి దింపేయాలి. ఇది చపాతీలకు మంచి కాంబినేషన్.