మామిడి తురుము పచ్చడి

కావలసిన పదార్థాలు:
మామిడికాయ: 1 (చెక్కు తీసి తురమాలి)
వేయించిన ఆవాలు: 1tsp
మెంతులు: 1tsp
కారం: 3tsp
ఇంగువ: చిటికెడు
ఉప్పు: రుచికి తగినంత
పసుపు: 1/4tsp
నూనె: 1cup

తయారు చేసే విధానం:
1. ముందుగా అవాలు, మెంతులు వేయించి పొడిచేసి పెట్టుకోవాలి.
2. తర్వాత పాన్ లో నూనె వేడి చేసి అందులో ఆవాలు, ఇంగువ పోపు వేసి దీన్ని ఒక గిన్నెలోకి తీసుకుని కారం, మెంతులు, ఆవాల పొడి వేసి పెట్టుకోవాలి.
3. ఇప్పుడు అదే పాన్ లో ఇంకొంచెం నూనె వేసి మామిడి తురుము, పసుపు, ఉప్పు, వేసి మగ్గనివ్వాలి.
4. ఐదు నిమిషాలు మగ్గనిచ్చిన తరువాత దీనిలో పక్కకు తీసిపెట్టుకున్న కారం, మెంతి పొడి వేసిన నూనె వేసుకోవాలి. ఇది వేడి వేడి అన్నంతో నెయ్యి వేసుకుని తింటే చాలా రుచిగా ఉంటుంది.