ధనియా రైస్

Published: Thursday, June 28, 2012, 15:46 [IST]

చాలా మంది మహిళలు నిద్ర లేవగానే ఏం టిఫిన్ చేయాలి, ఏం కూరలు చేయాలి అని సతమవుతుంటారు. పిల్లల్లుండి తల్లులైతే మరీ ఎక్కువగా, వారికో రోజుకో వెరైటీ పెట్టందే తినకుండా మారాం చేస్తుంటారు. రైస్ తో రకరకాలు వంటలు చేస్తుంటారు. మిగిలిన అన్నంతో త్వరగా అయిపోతుందని ఎన్నో వెరైటీ రైస్ చేస్తుంటారు. చల్లగా ఉండే ఈ శీతాకాలంలో వేడివేడిగా రైస్ వెరైటీస్ నోరూరిస్తాయి. ఈజీగా చేసుకోగల ఈ ధనియా రైస్ చాలా రుచిగా ఉంటుంది.

స్పైసీగా లంచ్ బాక్స్ లోకి కూడా బావుంటుంది
కావలసిన పదార్థాలు:
నూనె: 1tbsp
ఎండు మిర్చి: 4-6
ఆవాలు: 1tsp
మినుములు: 1tsp
జీడిపప్పు: 10
ఉల్లిపాయ: 1(చిన్న ముక్కలుగా చేసుకోవాలి)
టమోటో: 1(చిన్న ముక్కలుగా చేసుకోవాలి)
పసుపు: చిటికెడు
అన్నం: 1cup

స్పైసీ పౌడర్ కోసం కావలసిన పదార్థాలు:
ధనియాలు: 2tbsp
ఎండు మిర్చి: 4-6
శెనగపప్పు: 1tbsp
మినుములు(ఉద్దిపప్పు): 1tsp
ఎండు కొబ్బరి తురుము: 1tbsp
గరం మసాలా: చెక్క: చిన్న ముక్క, లవంగాలు: 3, మిరియాలు: 4

తయారు చేయు విధానం:
1. ముందుగా స్పైసీ పౌడర్ కోసం సిద్దం చేసుకొన్న పదార్థాలంటిని విడివిడిగా దోరగా వేయించుకొని మిక్సీలో వేసి రఫ్ గా పొడి చేసి పెట్టుకోవాలి.
2. తర్వాత పాన్ లో నూనె వేసి కాగిన తర్వాత అందులో ఆవాలు వేసి అవి చిటపటలాడిన తర్వాత అందులో ఉద్దిపప్పు, ఎండుమిర్చి, జీడిపప్పు వేసి దోరగా వేయించాలి.
3. అలాగే ఉల్లిపాయ ముక్కలు వేసి బ్రౌన్ కలర్ వచ్చే వరకూ వేయించి, తర్వాత టమోటో ముక్కలను వేసి ఐదునిమిషాల పాటు వేగనివ్వాలి.
4. ఇప్పుడు అందులో మొదట తయారు చేసి పెట్టుకొన్న స్పైసీ పౌడర్ ను వేసి బాగా కలపాలి, వెంటనే అందులో పసుపు, ఉప్పు వేసి మరో రెండు నిమిషాలు వేగనివ్వాలి.
5. తర్వాత అందులో ముందుగా ఉడికించి పెట్టుకొన్న అన్నంను వేసి బాగా కలపాలి. అంతే ధనియా రైస్ రెడీ.

Comments

Story first published: Thursday, June 28, 2012, 15:46 [IST]

Other articles published on Jun 28, 2012

Latest Updates

Dhaniya Rice | ధనియా రైస్