రైస్-ఇడ్లీ-దోస గుడ్ కాంబినేషన్- దొండకాయ కొబ్బరి పచ్చడి

Veg

oi-Saraswathi

By Sindhu

Published: Tuesday, November 29, 2011, 14:03 [IST]

కావలసిన పదార్ధాలు:
దొండకాయలు: 1/2kg
కొబ్బరి తురుము: 1cup
కొత్తిమీర: ఒక కట్ట
పచ్చిమిర్చి: 10
చింతపండు: కొంచెం
జీలకర్ర: 1/2tsp
వెల్లుల్లి రెబ్బలు: 4
ఉప్పు : రుచికి తగినంత
పసుపు: చిటికెడు
నూనె: రెండు టేబుల్ స్పూన్లు
తాలింపుకు
శనగపప్పు, మినప్పప్పు, ఆవాలు, ఎండుమిర్చి, కరివేపాకు

తయారు చేయు విధానం:
1. మొదటగా చక్రాల్లా తరిగిన దొండకాయలు, మిర్చి కలిపి ఒక స్పూన్ నూనె వేసి వేయించాలి.
2. తర్వాత మిర్చి, ఉప్పు, వెల్లుల్లి రెబ్బలు, జీలకర్ర, చింతపండు కలిపి మెత్తగా గ్రైండ్ చేసుకోవాలి.
3. ఇప్పుడు దొండకాయ ముక్కలు, కొబ్బరి కూడా వేసి మరీ మెత్తగా కాకుండా కోరులా గ్రైండ్ చేసుకోవాలి.
4. ఒక టేబుల్ స్పూన్ నూనె వేడి చేసి తాలింపు వేసుకుని, అందులో ఈ పచ్చడి, చిటికెడు పసుపు వేసి రెండు నిముషాలు వేయించాలి.
ఈ పచ్చడి కొంచెం కారంగా ఉంటేనే బావుంటుంది. కారం తక్కువ కావాలంటే మిర్చి తగ్గించుకోవచ్చు. దొండకాయ కొబ్బరి పచ్చిడి రెడీ..రైస్, ఇడ్లీ, దోస, చపాతీలకు మంచి కాంబినేషన్.