వంకాయ బటర్ మసాలా కర్రీ: టేస్టీ అండ్ ఈజీ

మీరు వివిధ రకాల గ్రేవీలను ఇష్టపడుతున్నట్లైతే, అటువంటి వాటిల్లో ఇది ఒకటి . బ్రింజాల్ బట్టర్ మసాలా లేదా బ్రిజాల్ మఖానీ అని పిలుస్తారు. కొన్ని మసాలా దినుసులతో వంకాయను స్టఫ్ చేసి బట్టర్ లో ఫ్రై చేసి తయారుచేస్తారు. లేదా మసాలాలతో పాటు బట్టర్ ను కూడా చేర్చి, మిక్స్ చేసి వంకాయలో స్టఫ్ చేసి తయారుచేస్తారు.

చాలా సింపుల్ గా ఈ వంటలను తయారుచేయవచ్చు. సింపుల్ మాత్రమే కాదు, టేస్ట్ కూడా చాలా బాగుంటుంది. వంకాయ కూరంటే ప్రతి ఒక్కరూ ఇష్టపడుతారు. ఈ వంకాయలో బట్టర్, ఇండియన్ మసాలాలు జోడించి వండితే చాలా రుచిగా ఉంటుంది. రుచికరమైన వంకాయలు ఎలా తయారు చేసుకోవాలో నేర్చుకుందాం.

పొడవు వంకాయలు: 1/2Kg
ఎండుమిర్చి: 8-10
మినప్పప్పు: 2tbsp
ధనియాలు: 1tsp
ఉల్లిపాయలు: 4
వెన్న: 100grm
ఉప్పు: రుచికి తగినంత
నూనె: 3tsp

తయారు చేయు విధానం :
1. ముందుగా వంకాయలను గుత్తి వంకాయ మాదిరిగా మధ్యలోకి కోసి ఉప్పునీటిలో వేయాలి.
2. తర్వాత ఓ బాణలిలో కొద్దిగా నూనె పోసి మినప్పప్పు, ఎండుమిర్చి, ధనియాలు వేసి దోరగా వేయించాలి. వీటిని మిక్సీలో వేసి రఫ్ గా పొడి చేసుకోవాలి.
3. తరువాత ఉల్లిపాయముక్కలను కూడా వేసి ముద్దలా చేసి అందులో తగినంత ఉప్పు, వెన్న కలపాలి.
4. ఇప్పుడు ఒక్కో వంకాయలో మసాలా కూరి ఉంచాలి.
5. తరువాత అడుగు మందం ఉండే గిన్నెలో కొద్దిగా నూనె వేసి వంకాయలను ఒకదానిపక్కన ఒకటి అమర్చి, మూతపెట్టి, సన్నటి మంటమీద మగ్గనిచ్చి దించేయాలి. అంతే వేడి వేడి వంకాయ వెన్న మసాలా సిద్ధమైనట్లే:!