స్పైసీ అండ్ ఫ్లేవర్డ్ పుదీనా ఎగ్ కర్రీ

గుడ్డు ఆరోగ్యానికి చాల మంచిది. అది అందరికి తెలిసిన విషయమే. అందువల్లే వివిధ రకాల వంటల్లో విరివిగా ఉపయోగిస్తుంటారు. ఇండియన్ వంటకాల్లో ఎగ్ కర్రీని చాలా సాధారణంగా ఎక్కువగా వండుతుంటారు. ఇది కారంగా రుచిగా ఉండటమే కాదు ప్లెయిన్ రైస్ తో తినడానికి చిక్కటి గ్రేవితో నూరూరిస్తుంటుంది.

ఆంధ్ర వారు చేసుకునే తెలుగు వంటలు లోని ఈ రుచికరమైన వంటకం స్పెషల్ ఎగ్ కర్రీ ఎలా తయారు చేసుకోవాలో తెలుసుకోవాలి అని వుందా ఐతే ఎందుకు ఆలస్యం క్రింద తెలుపబడిన పద్ధతిని అనుసరిస్తే మంచి ఘుమఘుమలాడే స్పెషల్ ఎగ్ కర్రీ మీ సొంతం.

గుడ్లు: 3-4 (ఉడికించినవి)
ఉల్లిపాయలు: 2
వెల్లుల్లి: 4: 5 ప్యాడ్లు
పచ్చిమిరపకాయలు: 2-3
పసుపు: 1tsp
కారం: 1tsp
పుదీనా: కొద్దిగా
కొత్తిమీర: కొద్దిగా
జీలకర్ర: 1tsp
టమోటా సాస్: 1tsp
నీటి : ½cup
ఉప్పు: రుచికి సరిపడా
గరం మసాలా: ఒక చిటికెడు
నూనె: 3tbsp

తయారుచేయు విధానం:
1. ముందుగా గుడ్లను ఉడికించి పొట్టు తీసి పక్కన పెట్టుకోవాలి.
2. తర్వాత ఉల్లిపాయ పొట్టు తీసి, నాలుగు బాగాలు కట్ చేసి మిక్సీలో వేయాలి. ఉల్లిపాయ ముక్కలతో పాటు, పుదీనా, వెల్లుల్లి, పచ్చిమిర్చి, మరియు కొత్తిమీర వేసి మెత్తని పేస్ట్ లా చేసి పక్కన పెట్టుకోవాలి.
3. తర్వాత ఫ్రైయింగ్ పాన్ ను స్టౌమీద పెట్టి నూనె వేసి వేడయ్యాక అందులో ఉడికించి పెట్టుకొన్న గుడ్లు వేసి లైట్ బ్రౌన్ కలర్ వచ్చే వరకూ వేగించి పక్కన పెట్టుకోవాలి.
4. తర్వాత అదే పాన్ లో నూనె కొద్దిగా పక్కకు తీసేసి, కొద్దిపాటి నూనెతో అదే పాన్ ను తిరిగి స్టైమీద పెట్టి వేడయ్యా అందులో జీలకర్ర వేసి చిటపటలాడేలా చేయాలి .
5. జీలకర్ర చిటపటలాడా అందులో ముందుగా గ్రైండ్ చేసిపెట్టుకొన్న పేస్ట్ ను వేసి మీడియం మంట మీద 5-6నిముషాలు వేగించుకోవాలి.
6. ఒక్క పేస్ట్ లైట్ గా వేగిన తర్వాత ఉప్పు, పసుపు, కారం మరియు గరం మసాలా వేసి వేగించాలి.
7. తర్వాత అందులోనే టమోటో ముక్కలను కూడా వేసి ఒక నిముషం వేగించిన తర్వాత నీళ్ళు పోసి ఉడికించుకోవాలి .
8. గ్రేవీ చిక్కగా మారే సమయంలో ఫ్రై చేసి పెట్టుకొన్న గుడ్డును వేసి బాగా మిక్స్ చేయాలి. అంతే ఒక రెండు నిముషాల తర్వాత స్టౌ ఆఫ్ చేయాలి. ఎగ్ కర్రీ విత్ మింట్ రెడీ. దీన్ని వేడి వేడి అన్నంతో వడ్డించాలి.