ఫ్రూట్ అండ్ కర్డ్ రైస్ రిసిపి : సమ్మర్ స్పెషల్

వేసవిలో శరీరంను చల్లబర్చుకోవడానికి ఒక ఉత్తమ మార్గం . ముఖ్యంగా వేసవిలో శరీరంకు ఎక్కువ చల్లదానాన్ని అందించే ఆహారాలనే ఎక్కువగా తీసుకోవాలి. అలాంటి ఆహారాల్లో పెరుగు అన్నం ఒకటి. ముఖ్యంగా సౌత్ ఇండియన్స్ ఎక్కువ ప్రాధాన్యత ఇస్తుంటారు.

ఇండియన్ వంటకాల్లో పెరుగన్నం చాలా స్పెషల్ సైడ్ డిష్. సౌత్ సైడ్ వెళ్ళినట్లైతే ప్రతి భోజనానికి పెరుగన్నాన్ని చూడవచ్చు . ఎందుకంటే ఇది ఆరోగ్యానికి చాలా మంచిది మరియు కడుపును చల్లగా ఉంచుతుంది. జీర్ణవ్యవస్థకు సహాయపడుతుంది. గ్యాస్ట్రిక్ సమస్యలతో పోరాడుతుంది . అంతే కాదు కడుపు నిండేలా చేస్తుంది.

పెరుగన్నాన్ని తయారు చేయడానికి చాలా పద్దతులున్నాయి, అందులో చాలా సింపుల్ గా మరియు అతి సాధారణంగా ఎక్కువగా తయారు చేసే కర్డ్ రైస్ అన్నం, పెరుగు, జీలకర్ర, ఆవాలు, పచ్చిమిర్చితో తయారు చేస్తారు. అయితే ఇందులో మీకు ఇష్టమైన పండ్లు కూడా వేసుకోవచ్చు. ఇలా చేస్తే రుచి మాత్రమే కాదు ఆరోగ్యం కూడా. మరి మీకు ఇష్టమైన దానిమ్మ గింజలను ఉపయోగించి పెరుగు అన్నం ఎలా తయారు చేయాలో చూద్దాం.

కావల్సిన పదార్థాలు:
రైస్: 1cup (ఉడికించిన)
పెరుగు: 1cup
పాలు: 1/2tsp
ద్రాక్ష : 2tsp
షుగర్ : 1/2tsp
ఉప్పు : చిటికెడు
చెర్రీ: 2 tsp
కొత్తిమిర: 1 రెమ్మ (సన్నగా తరిగినవి)
ఆవాలు: 1 tsp
నూనె : 1 tsp
దానిమ్మ : 2tsp
పచ్చి మిరపకాయలు: 2 (సన్నగా తరిగిపెట్టుకోవాలి)
బాదం: గుప్పెడు చూపడంతో (చిన్న తరిగినవి)

తయారుచేయు విధానం :
1.ముందుగా వండి పెట్టుకొన్న అన్నంకు కొద్దిగా ఉప్పు మరియు పంచదార మిక్స్ చేసి గరిటతో బాగా మిక్స్ చేయాలి.
2. ఇప్పుడు అందులో తాజా పెరుగు, పాలు, పెరుగు, ద్రాక్ష, చెర్రీ వేసి బాగా మిక్స్ చేయాలి.
3. ఇప్పుడు మరో పాన్ తీసుకొని అందులో కొద్దిగా నూనె వేసి వేడయ్యాక అందులో ఆవాలు వేసి చిటపటలాడిన తర్వాత పచ్చిమిర్చి వేసి రెండు నిముషాలు మీడియం మంట మీద ఫ్రై చేసుకోవాలి.
4. ఇప్పుడు స్టౌ ఆఫ్ చేసి ముందుగా ఉప్పు, పంచదార మిక్స్ చేసిన అన్నంను పోపులో వేసి మొత్తం మిశ్రమాన్ని కలగలుపుకొని పక్కన పెట్టుకోవాలి.
5. ఇప్పుడు సన్నగా తరిగి పెట్టుకొన్న కొత్తిమీర తరుగు మరియు సన్నగా తరిగిన బాదంను వేసి గార్నిష్ గా తయారుచేసుకోవాలి . అంతే రుచికరమైన ఫ్రూట్ కర్డ్ రైస్ రెడీ.