హెల్తీ బ్రేక్ ఫాస్ట్ : మేతి పరోటా రిసిపి

మన జీవితంలో హెల్తీ ఫుడ్స్ కు ఎక్కువ ప్రాధాన్యత ఇస్తారు . ఆరోగ్య మీద అవగాహన ఉన్నవారు ఎవరు కూడా అనారోగ్యకరమైన మరియు ఫ్యాట్ ఫుడ్స్ ను బ్రేక్ ఫాస్ట్ లో తీసుకోరు. కాబట్టి మన దినచర్యను ఒక హెల్తీ బ్రేక్ ఫాస్ట్ తో మొదలు పెట్టాలి. అటువంటి హెల్తీ బ్రేక్ ఫాస్ట్ రిసిపిలలో ఒకటి మేతి పరోటా...

మేతి పరోఠా చాలా త్వరగా తయారు చేసుకొనేటటువంటి బ్రేక్ ఫాస్ట్ రిసి. ఈ మేతి పరోటా ఆరోగ్యానికి చాలా మంచిది. మేతి పరోటాను ఏదైనా సబ్జి లేదా పెరుగుతో తినవచ్చు. ఈ పరోఠాలు వివిధ రకాల ఫ్లేవర్స్ మరియు న్యూట్రిషియన్స్ తో తయారు చేస్తారు.

ఆకలి భోరుమన్నప్పుడు మామూలు రోటీ బోరు అనిపించినప్పుడు...మరోటీ మరేదయినా మంచి వెరైటీ తినాలినిపిస్తే..పరాఠాలు ట్రై చేయండి. రోటీలో రారాజు పరాఠా..రుచికి రుచి, ఒంటికింత పుష్టి...కొన్ని రకాల రోఠీలు ఆకలి తీర్చుతాయి..మరికొన్నేమో ఆకలిని పెంచుతాయి...ఒకసారి రుచి చూశారంటే మరోటీ..మరోటీ..కావాలంటారు. మరి ఆ మరోఠీ మెంతి పరోఠా.. బరువు తగ్గించే మహారాజు..రోటీలలో రారాజు పరాఠా..

కావల్సిన పదార్థాలు:
గోధుమ పిండి: 2cups
శనగపిండి: 1cup
అజ్వైన్(కారమ్ సీడ్స్): 1tsp
అల్లం వెల్లల్లి పేస్ట్ : 1tsp
ధనియాల పొడి: 1tsp
ఉప్పు , కారం : రుచికి తగినంత
గరం మాసాల పౌడర్: 1/2tsp
సన్నగా తరిగిన మెంతి ఆకులు: 2cups
నూనె : 2tsp(పిండిలో కలపడానికి/మరో రెండు స్పూన్లు పరాఠా వత్తడానికి, పెనం మీద కాల్చడానికి)

తయారు చేయు విధానం :
1. ముందుగా ఇక మిక్సింగ్ బౌల్ తీసుకొని అందులో నూనె తప్ప మిగిలిన పదార్థాలన్నింటి వేసి బాగా కలపాలి.
2. ఈ మిశ్రమానికి తగినన్ని నీళ్ళు పోసి చపాతీ పిండిలా కలుపుకోవాలి.
3. దీనిని మొదట చపాతీలా వత్తి పైన నూనె రాసి మడత పెట్టి మళ్ళీ వత్తాలి. దీనిని పెనం మీద వేసి రెండు వైపులా కాల్చాలి.
4. చపాతీని కనీసం ఐదు ఆరు సార్లు తిరగేయాలి. తిరగేసిన ప్రతి సారీ కొద్దిగా నూనె వేస్తూ కాల్చిన పరాఠా చాలా రుచిగా ఉంటుంది. ఊబకాయం సమస్య ఉంటే నూనెను తక్కువగా వేసుకోవచ్చు.