హానీ చిల్లీ పొటాటో హెల్తీ అండ్ టేస్టీ

మీ ఫేవరెట్ వెజిటేబుల్స్ అందుబాటులో ఉండే సీజన్ ఇది. క్యారెట్, కాలీఫ్లవర్, క్యాబేజ్, టర్నిప్ మరియు ఇతర గ్రీన్ వెజిటేబుల్స్ ఈ సమంయలో మార్కెట్లో ఎక్కువగా అందుబాటులో ఉంటాయి. కాబట్టి, ఈ సౌకర్యాన్ని అడ్వాంటేజ్ తీసుకోవాలి. ఈ పూర్తి పోషకాల యొక్క ఆహారాలతో మీ ప్లేట్స్ ను నిండుగా నింపేయండి. ఈ రోజు, మీకోసం ఒక సింపుల్ మరియు రుచికరమైన రిసిపిని మీ ముందు ఉంచుతున్నాం.

పొటాటో స్నాక్స్ ఇతర స్నాక్స్ కంటే ప్రత్యేకమైనవి. పొటాటో స్నాక్స్ ను చూడగానే నోరూరుతుంది. క్రిస్పీగా, టేస్టీగా ఉండే పొటాటో స్నాక్స్ పిల్లలూ, పెద్దలూ అందరూ ఇష్టపడతారు. అందుకే పొటాటో స్నాక్స్ రెసిపీ తెలుసుకుందాం. ....

కావల్సిన పదార్థాలు:
బంగాళదుంపలు: 4
కార్న్ ఫ్లోర్ లేదా మైదా: 8tbsp
ఉప్పు: రుచికి సరిపడా
కారం: 2tsp
ఉల్లికాడలు: 4
క్యాప్సికమ్: 2
వెల్లుల్లి ముద్ద: 2tbsp
నువ్వులు: 2tbsp
తేనె: 2tbsp
సోయాసాస్: 1/2tbsp
చిల్లీ సాస్: 4tsp
నూనె సరిపడా

తయారుచేయు విధానం:
1. ముందుగా బంగాళదుంపల పొట్టు తీసి సన్నగా పొడవాటి ముక్కల్లాగా కట్ చేసి పెట్టుకోవాలి.
2. తర్వాత ఒక గిన్నె లో కార్న్ ఫ్లోర్ లేదా మైదా, ఉప్పు, కారం వేసి కలపాలి. ఇందులో ఆలూ ముక్కలు వేసి దొర్లించాలి.
3. తర్వాత పాన్ లో నూనె వేసి వేడయ్యాక అందులో కార్న్ ఫ్లోర్ లో డిప్ చేసి పెట్టుకొన్న బంగాళదుంప ముక్కలు కొంచెంకొంచెంగా కాగిన నూనెలో వేయించి తీసి పక్కన ఉంచాలి.
4. ఇప్పుడు అదే పాన్ కొద్దిగా నూనె వేసి, వేడయ్యాక అందులో వెల్లుల్లి పేస్ట్ వేసి ఒక నిముషం వేగి తర్వాత ఉల్లికాడలు వేసి మరో నిముషం వేగించుకోవాలి.
5. తర్వాత అందులోనే క్యాప్సికమ్ ముక్కలు, తేనె, ఉప్పు, సోయాసాస్, చిల్లీసాస్ వేసి ఓ నిమిషం వేగనివ్వాలి. ఇప్పుడు వేయించి ఉంచిన బంగాళదుంప ముక్కలు, నువ్వులు కూడా వేసి కలిపి దింపేసుకోవాలి. అంతే హనీ చిల్లీ పొటాటో రెడీ...