లోఫ్యాట్ క్యాబేజి రైస్ క్యా టేస్ట్ హై గురూ.....

Veg

oi-Saraswathi

By Sindhu

Published: Saturday, August 25, 2012, 14:57 [IST]

కాయగూరల్లో క్యాబేజీ అతి శ్రేష్టమైనదనీ ముఖ్యంగా క్యాన్సర్‌ను నిరోధించటంలో ఇది క్రియాశీలకంగా పనిచేస్తుందని వైద్యులు సూచిస్తున్నారు. క్యాబేజీ ద్వారా శరీరానికి అవసరమైన "ప్లేవనాయిడ్స్" సమృద్ధిగా అందుతాయనీ, తద్వారా "పాంక్రియాటిక్ గ్రంథి క్యాన్సర్" ప్రభావాన్ని తగ్గించవచ్చునని వారు చెబుతున్నారు. ఈ క్యాన్సర్ రావటం అరుదుగా సంభవిస్తుందనీ, అయితే క్యాబేజీతో దానికి చెక్ పెట్టవచ్చు. క్యాబేజీని ఆహారంలో క్రమం తప్పకుండా తీసుకున్నట్లయితే అధిక బరువుకు చెక్ పెట్టవచ్చునని వైద్యులు చెబుతున్నారు. అంతేగాకుండా.. పిల్లలకు పాలిచ్చే తల్లులు ఎక్కువగా క్యాబేజీని తిన్నట్లయితే పాలు బాగా పడతాయి. క్యాజేజీ దగ్గుకు కూడా మంచి మందుగా పనిచేస్తుంది.

కావలసిన పదార్థాలు:
బాస్మతి రైస్ 2cups
క్యాబేజి : 1
పచ్చిబఠాణి: 1cup
ఉల్లిపాయ: 2(సన్నముక్కలుగా కట్ చేసుకోవాలి)
టమోటో: 1(సన్నముక్కలుగా కట్ చేసుకోవాలి)
పచ్చిమిర్చి: 4-8
వెల్లుల్లి రెబ్బలు: 4-6((సన్నముక్కలుగా కట్ చేసుకోవాలి)
అల్లం: చిన్న ముక్క(సన్నముక్కలుగా కట్ చేసుకోవాలి)
జీలకర్ర: 1tsp
ధనియా పౌడర్: 2tbsp
పసుపు: 1/2tsp
కారం: 1tsp
కొత్తమీర తరుగు: 2tbsp
నూనె : సరిపడా
ఉప్పు: రుచికి తగినంత

తయారు చేయు విధానం:
1. ముందుగా బాస్మతి రైస్ ను శుభ్రం చేసి పొడిపొడిగా అన్నం వండి పక్కన పెట్టుకోవాలి.
2. తర్వాత ఒక బౌల్లో క్యాబేజి, చిటికెడు ఉప్పు, పసుపు వేసి, కొద్దిగా నీళ్ళు పోసి మీడియం మంట మీద ఉడికించి పెట్టుకోవాలి.
3. అలాగే కుక్కర్ లో పచ్చిబఠాణీని ఒక విజల్ వచ్చేవరకూ ఉడికించి పక్కన పెట్టుకోవాలి.
4. ఇప్పుడు ఫ్రైయింగ్ పాన్ స్టౌ మీద పెట్టి అందులో నూనె వేసి వేడయ్యాక అందులో జీలకర్ర వేసి చిటపటలాడిన తర్వాత పచ్చిమిర్చి, అల్లం, గార్లిక్, టమోటో మరియు ఉల్లిపాయ ముక్కలు వేసి వేయించాలి.
5. ఉల్లిపాయలు లైట్ బ్రౌన్ కలర్ వచ్చేంతవరకూ వేయించి, అందులో ఉడికించి పెట్టుకొన్న క్యాబేజి, పచ్చిబఠాణి, కొత్తిమీర, కారం కూడా వేసి వేయించాలి.
6. క్యాబేజీ లైట్ గా వేగిని తర్వాత అందులో ముందుగా ఉడికించి పెట్టుకొన్న అన్నం, చిటికెడు ఉప్పు వేసి బాగా మిక్స్ చేయాలి. రెండు నిమిషాల పాటు మూత పెట్టి ఉడికించి క్రిందికి దింపుకొనే ముందు కొత్తిమీర తరుగును చల్లి హాట్ హాట్ గా సర్వ్ చేయాలి. అంతే క్యాబేజ్ రైస్...