కోకనట్ మ్యాంగో చట్నీ : వెజిటేరియన్ వంటలు

వేసవిలో అందరి కళ్లు మామిడి చెట్లమీదే. ఆకుల మధ్యన వేలాడే పచ్చి మామిడికాయలను చూడగానే ఎంతటివారికైనా నోట్లో నీళ్లు ఊరుతాయి. పుల్లటివైతే పప్పులో వేసుకుంటారు. కాస్త పులుపు తక్కువగా ఉంటే ప్లేట్లో ఉప్పు, కారం వేసుకుని లాగిచేస్తారు. కాయలు పళ్లయ్యేవరకూ ఆగడమంటే చాలా కష్టం. రెండు కాయలందుకుంటే గాని మనసు ఊరుకోదు.

పచ్చిమామిడి. ఆ పులుపు తలచుకుంటేనే నోరూరుతుంది. ఈ ఏడాది తొలి మామిడికాయ భలే పుల్లగా ఉంది.మామిడికాయతో ఎలా పచ్చడి. చేసినా ఇష్టమే. చేసీచేసీ నాకు విసుగురావాలే కానీ రోజూ చేసినా తింటారు మా ఇంట్లో. అందుకే మొదటగా కొబ్బరితో కలిపి ఈ పచ్చడి చేశాను.

కావల్సిన పదార్థాలు:
కొబ్బరి తురుయు: 1/2cup
మామిడికాయ తురుము: 1/2
పచ్చిమిర్చి: 5-8
ఉప్పు: రుచికి తగినంత
పసుపు: 1/4tsp

పుల్లపుల్లని పచ్చిమామిడికాయలోని 14 ఆరోగ్య ప్రయోజనాలు

ఇంగువ: చిటికెడు
నూనె: 2tbps
కరివేపాకు: రెండు రెమ్మలు
ఎండుమిర్చి: 4-5
ఆవాలు: 1tsp
జీలకర్ర: 1tsp
శెనగపప్పు: 1tsp
మినపప్పు: 1tsp

బేబీ స్కిన్ పొందడానికి మ్యాంగో హోం రెమెడీస్

తయారుచేయు విధానం:
1. ముందుగా కొబ్బరిని తురుమిని పెట్టుకోవాలి. అలాగే పచ్చిమామిడికాయ తొక్క తొలగించి తురుమి పెట్టుకోవాలి.
2. ఇప్పుడు మిక్సీలో పచ్చిమిర్చి, ఉప్పు, పసుపు, కొబ్బరి, మామిడికాయ తురుము వేసి మొత్తగా పేస్ట్ చేసి పెట్టుకోవాలి.
3. తర్వాత స్టౌ మీద పాన్ పెట్టి అందులో నూనె వేసి కాగిన తర్వాత అందులో శెనగపప్పు, మినపప్పు, ఆవాలు, జీలకర్ర, ఎండుమిర్చి, కరివేపాకు వేసి వేగించుకోవాలి.
4. పోపు వేగిన తర్వాత పచ్చడిని తీసి పోపులో వేసి బాగా మిక్స్ చేయాలి. అలాగే కొద్దిగా ఇంగువ వేసి మిక్స్ చేస్తే చాలా టేస్ట్ గా ఉంటుంది. ఇది అన్నంలోకి చాలా బాగుంటుంది.