మెంతి క్యాప్సికమ్ రైస్

Veg

oi-Saraswathi

By Sindhu

Published: Tuesday, July 31, 2012, 9:18 [IST]

కావలసిన పదార్థాలు
బియ్యం: 2cups
మెంతి ఆకుకూర: 1కట్ట
క్యాప్సికమ్: 2మీడియం సైజ్
ఉల్లిపాయలు: 2
టమోటో: 2
పచ్చిమిర్చి: 4-6
అల్లం వెల్లుల్లిపేస్ట్: 2tsp
చెక్క: చిన్న ముక్క
లవంగాలు: 3
కారం: 1tsp
ధనియా పౌడర్: 1tsp
పసుపు: చిటికెడు
ఉప్పు: రుచికి తగినంత
నూనె: కావలసినంత

తయారు చేయు విధానం:
1. ముందుగా ప్రెజర్ కుక్కర్ లో నూనె వేసి వేడిచేయాలి. నూనె వేడయ్యాక అందులో చెక్క, లవంగాలు, యాలకులు వేసి ఒక నిమిషం పాటు వేయించాలి.
2. తర్వాత అందులో ఉల్లిపాయ ముక్కలు వేసి బ్రౌన్ కలర్ వచ్చేంత వరకూ వేయించుకోవాలి. తర్వాత అందులోనే అల్లం వెల్లుల్లి పేస్ట్ వేసి పచ్చి వాసన పోయేంత వరకూ తక్కువ మంట మీద వేయించుకోవాలి.
3. ఇప్పుడు అందులో క్యాప్సికమ్, మరియు మెంతి ఆకు తరుగు వేసి బాగా ఫ్రై చేసుకోవాలి. కొద్దిగా వేగిన తర్వాత అందులో టమోటలను వేసి టమోటో మెత్తబడే వరకూ వేయించుకోవాలి.
4. తర్వాత కారం, ధనియాలపొడి, ఉప్పు వేసి మరో నిమిషం పాటు వేయించుకొని తర్వాత శుభ్రం చేసి కడిగి పెట్టుకొన్న బియ్యాన్నికూడా వేసి బాగా మిక్స్ చేయాలి. అందులో నాలుగు కప్పుల నీళ్ళు పోసి మూత పెట్టి రెండు విజిల్స్ వచ్చేంత వరకూ పెట్టి పక్కకు దింపేసుకోవాలి. ఐదునిమిషాల తర్వాత మూత తీసి కొత్తిమీరతో గార్నిష్ చేసి రైతాతో హాట్ హాట్ గా సర్వ్ చేయాలి. అంతే మెంతీ క్యాప్సికమ్ రైస్ రెడీ...