మిక్డ్స్ వెజిటబుల్ సేమ్యా ఉప్మా

Published: Thursday, May 17, 2012, 9:15 [IST]

అల్పాహారంలో చాలా వెరైటీలు ఉన్నాయి. అన్నింటిలోకి చాలా సులభంగా త్వరగా అయ్యే అల్పాహారం. సేమియా వంటకం. ఇటు స్వీటు కానీ..అటు హాట్ కానీ ఎదైనా సరై అతి త్వరగా తయారయ్యే వంటకం సేమియా వంటకం. సేమియాతో రకరకాల రుచిలు చేస్తుంటా. సేమియా పాయసం, సేమియా చాట్, సేమియా ఉప్మా ...చాలా రకాలే ఉన్నాయి. అయితే చాలా త్వరగా అయిపోయే టేస్టీ టిఫిన్ వెజిటేబుల్ సేమ్యా ఉప్మా.ఇందులోనే వెజిటబుల్స్ కూడా వేసి చేస్తే పిల్లలూ ..పెద్దలు చాలా ఇష్టంగా తింటారు.

కావలసిన పదార్ధాలు:
సేమ్యా : 2cups
బీన్స్: 1/2cup
ఆలూ : 1
కారట్: 1
టమాటా: 1
ఉల్లిపాయ : 1
పచ్చిమిర్చి: 6-8
పచ్చిబఠాణీ: 2tbsp
కరివేపాకు : రెండు రెమ్మలు
కొత్తిమీర తరుగు: కొద్దిగా
పసుపు : చిటికెడు
ఉప్పు : రుచికి తగినంత
అల్లంవెల్లుల్లి ముద్ద: 1tsp
గరంమసాలా పొడి: 1tsp
నూనె : కావలసినంత
జీడిపప్పు : 8-10
నీళ్ళు : 2cups
పోపుకు: శనగపప్పు,మినప్పప్పు ,ఆవాలు

తయారు చేయు విధానం:
1. ముందుగా పాన్ లో ఒక టేబుల్ స్పూన్ నూనె వేసి వేడయ్యాక సేమ్యా వేసి వేయించి పక్కన పెట్టుకోవాలి.
2. ఇప్పుడు అదే పాన్ లో కొద్దిగా నూనె వేసి, వేడయ్యాక అందులో తాలింపు వేసి,జీడిపప్పు కూడా వేసి దోరగా వేయించాలి.
3. ఇప్పుడు సన్నగా తరిగిన ఉల్లిపాయ, పచ్చిమిర్చి, పచ్చిబఠాణీ, బీన్స్, ఆలూ, కారట్ ముక్కలు వేసి, కరివేపాకు కూడా చేర్చి కొంచెం వేగాక టమాటా ముక్కలు వెయ్యాలి.
4. తర్వాత పసుపు, అల్లంవెల్లుల్లి పేస్ట్, గరంమసాలా పొడి,కొత్తిమీర వేసి బాగా వేయించి నూనెలో కొద్దిగా ఉడకనివ్వాలి. వెజిటేబుల్స్ అన్ని కొద్దిగా ఉడికినట్లు తెలియగానే నీరు పొయ్యాలి. (నీరు రెండు కప్పుల సేమ్యాకు రెండు కప్పు నీళ్ళు పోసుకోవాలి).
5. ఇప్పుడు అందులోనే తగినంత ఉప్పు వేసి నీళ్ళు మరిగిన తర్వాత వేయించిన సేమ్యా వెయ్యాలి. ఒకసారి కలిపి ఈ గిన్నెను ప్రెషర్ పాన్ లో ఉంచి మూడు విజిల్స్ రానిస్తే సేమ్యా ఉప్మా రెడీ అవుతుంది. కుక్కర్ లో కాకుండా సేమ్యా ఉడికేవరకూ ఉంచి విడిగా కూడా చేసుకోవచ్చు.