న్యూట్రిషియన్ బనానా (అరటి)రైస్

అరటికాయ: 2
బియ్యం: 1cup
జీలకర్ర: 1/2tsp
ఆవాలు: 1/2tsp
శనగపప్పు: 1tsp
పల్లీలు: 50grm
ఎండుమిర్చి: 6
కరివేపాకు: రెండు రెమ్మలు
పచ్చిమిర్చి తరుగు: 2tsp
ఉప్పు: రుచికితగినంత
కొత్తిమీర: ఒక కట్ట
జీడిపప్పు: 50grsm
నిమ్మకాయ: 1
నూనె: 5tsp
పసుపు: తగినంత

తయారు చేయు విధానము:

1. ముందుగా పొడిపొడిలాడేలా అన్నం వండి పక్కన ఉంచుకోవాలి. అరటికాయ చెక్కు తీసి, ముక్కలుగా కట్ చేసి, మూడు టీ స్పూన్ల నూనెలో వేయించి తీసి పక్కన పెట్టాలి. 2. తరవాత స్టౌ మీద బాణలి పెట్టి, నూనె వేసి కాగిన తరవాత అందులో ఆవాలు, జీలకర్ర, శనగపప్పు, ఎండుమిర్చి, కరివేపాకు వేసి వేయించి పక్కనుంచుకోవాలి.
3. ఇప్పుడు పెద్ద పాత్రలోకి అన్నం తీసుకుని అందులో వేయించిపెట్టుకున్న పదార్థాలను వేసి బాగా కలపాలి. తరవాత జీడిపప్పు, వేయించిన పల్లీలు, పచ్చిమిర్చి, పసుపు, ఉప్పు, నిమ్మరసం వేసి బాగా కలపాలి. చివరగా కొత్తిమీరతో గార్నిష్ చేయాలి అంతే బనానా రైస్ రెడీ.