For Quick Alerts
ALLOW NOTIFICATIONS  
For Daily Alerts

పాలక్-సోయా రైస్

|
ఆకు కూరల్లో ముఖ్యంగా పాలకూర. పాలకూరలో ఉన్న పోషకాలు మరి ఏ ఆక్కూరలోనూ అంత ఎక్కువగా ఉండవని అంటుంటారు. ఇందులో విటమిన్ ఏ, సీ, ఫైబర్, ఫోలిక్ యాసిడ్ మెగ్నీషియం వంటివి పుష్కలంగా ఉంటాయి. ఆకుకూరలు ఆరోగ్యానికి చాలా మంచిది. పిల్లలు, పెద్దలు అందరూ తాజా ఆకుకూరలను తమ నిత్యాహారంలో తప్పకుండా తీసుకోవాలి. ఆకుకూరలు ఎన్నోరకాలుగా వండుకోవచ్చు. ఆరోగ్యానికి ఎంతో మంచివైన సోయా గ్రాన్యూల్స్, పాలకూర కలిపి చేసే హెల్దీ రైస్ ఐటం ఇది. అన్నీ రెడీ చేసుకుంటే త్వరగా చేసెయ్యొచ్చు.

కావలసిన పదార్ధాలు:
సోయా గ్రాన్యూల్స్: 2cups
పాలకూర: మూడు కట్టలు
అన్నం: 2cups
ఉల్లిపాయ: 1
పచ్చిమిర్చి: 4-6
కరివేపాకు: రెండు రెమ్మలు
కొత్తిమీర: ఒక కట్ట
పుదీనా: కొద్దిగా
అల్లంవెల్లుల్లి పేస్ట్: 2tbsp
గరం మసాలా పొడి: 1tbsp
ఉప్పు: రుచికి తగినంత
పసుపు-కారం: కావలసినంత
నూనె: సరిపడా
లవంగాలు, చెక్క, షాజీర: కొద్దిగా

తయారు చేసే విధానం:
1. ముందుగా సోయాగ్రాన్యూల్స్ ను మరిగే నీళ్ళలో రెండు నిముషాలు ఉడికించి వడపోయాలి. చల్లని నీళ్ళతో కడిగి నీరు పిండేసి ఉంచుకోవాలి.
2. పాలకూర సన్నగా తరిగి అర స్పూన్ నూనె వేసి ఉడికించి పెట్టుకోవాలి.
3. నూనె వేడి చేసి రెండు లవంగాలు, చిన్న దాల్చిన చెక్క ముక్క, షాజీర వేయాలి.
4. సన్నగా తరిగిన ఉల్లిపాయ, మిర్చి, కరివేపాకు వేసి వేయించాలి. అల్లంవెల్లుల్లి పేస్ట్ కూడా వేసి వేయించి సోయాగ్రాన్యూల్స్ వేయాలి.
5. తడి అంతా పోయి డ్రై గా వేయించాలి. ఉడికించిన పాలకూర వేసి బాగా కలిపి పసుపు, కారం, గరం మసాలా పొడి వేయాలి.
6. చివరగా అన్నం, తగినంత ఉప్పు, తరిగిన కొత్తిమీర, పుదీనా వేసి బాగా కలిపి రెండు మూడు నిముషాలు వేయించాలి. అంతే పాలక్ సోయా రైస్ రెడీ.

English summary

Palak-Soya Rice | పాలక్-సోయా రైస్

This is one more variety of rice which is very easy to prepare and best for.... wow what a protein rich rice with palak and soya chunks mmmmm... Spinach is my favorite variety among all greens. This is one more variety of rice which is very easy to prepare and best for packing lunch boxes and here comes the recipe.
Story first published: Tuesday, June 19, 2012, 17:06 [IST]